قواعد التقدم للفعاليات الاربعون

ازاى تقدم على مؤتمر او تشارك فى فاعلية:

من منطلق احساسى بالمسئولية العميقة وبسبب ضميرى اللى بيعذبنى كل ما يضمونى للجنة اختيار مشاركين فى نشاط او فعالية او مؤتمر او سفر .... وعشان بيطلع عين اللى خلفونى عشان اقدر احكم على الاشخاص من خلال شوية ورق مقدمينه ...اعرفوا ان كل الفعاليات والانشطة المحترمة بيبقى ليها استمارة طويلة وممكن يطلب منك فى مرحلة لاحقه انك تكتب statement of purpose وممكن بعد كده يعملوا لك سكايب انترفيو... ده مش تعجيز لكن ده لضمان مستوى معين من المشاركين... والى مجموعة من النقاط الهامة:

1-      اقرا كويس النشاط او المؤتمر او الفعالية بتتكلم عن ايه او السفرية عشان ايه....افهم انت بتقدم على ايه.

2-      اعرف اذا كان النشاط بيقدم منح كلية او جزئية وافهم انت عليك ايه وهما عليهم ايه ولا حتغطى نفسك بالكامل....محدش لاقى فلوس اساسا.

3-      اعرف امكانياتك كويس واذا كنت مناسب للحضور ام لا... قلبها فى دماغك شوية كده.

4-      تأكد من اهدافك الحقيقة من المشاركة.... الفسح ممكن تبقى على حسابك.

5-      اعرف ان معظم منظمو الفعاليات بقى عندهم data base وبيبقوا عارفين مين الناس اللى بتقدم وخلاص ومين الناس اللى بتقدم لمجرد التقديم ومين الناس اللى بتقدم عشان تكتب بس انها شاركت فى كذا وكذا وكذا. زمن ان صحابى حيظبتونى عدى وفات.

6-      اعرف ان الموارد المالية بقت قليلة جدا وعليه فان الاختيار بيبقى ع الفرازة وع البيكو....تانى مفيش فلوس فى السوق.

7-      ابوس ايدك اقرا شروط التقديم كويس جدا.

8-      لما يطلبوا منك 5 او 6 حاجات فى شروط التقديم ابعتهم كلهم مرة واحده فى ايميل واحد مش فى 6 ايميلات عشان اللى بيشتغلوا مش حيلموا من وراك ويجمعوا المكعبات...كده انت بتشلهم.

9-      طلبات الاشتراك مش هدفها التعجيز ولكن هدفها الحقيقى التعرف عن قرب على المتقدمين....اكتب حتى اراك.

10-  لو قدمت على فعالية واشتركت فيها سنة متقدمش السنة اللى بعدها الا لو متأكد ان عندك جديد تقدمه.

11-  لو بتقدم كمشارك خلى الابليكيشن بتاعتك تفهمهم انك فاهم وده يرجعنا للنقطة رقم (1).

12-  اقرا شروط التقديم كويس جدا.

13-  لو بتقدم بروبوزال لفكرة جلسة او ورشة عمل فحاول توضح للناس انك متمكن من الموضوع.

14-  لو المشروع فيه اكتر من شريك متبعتش لكل شريك على حده عشان ده بيقلل فرصك مش بيزودها لان بيتم التعامل معاك ك  spammer .

15-  لو قدمت كذا مرة ومتقبلتش لا تيأس وحاول تسأل الناس ليه او فين الغلط وحاول تكتب ده بشكل لطيف عشان تعرف وجهة نظرهم.

16-  أعرف ان عدد المتقدمين بيكون كبير عادة وعليه فترفقوا بمجموعات العمل.

17-  اقرا شروط التقديم كويس جدا.

18-  فيه نظامين للرد على الناس ...الاول ان الرد بيكون على المشاركين فقط بسبب ضخامة العدد مع كتابة اعتذار عام للباقيين باستخدام وسائل التواصل الاجتماعى...والنظام التانى ان يكون الرد على الكل وده بياخد وقت ومجهود كبيرين.

19-  لو تعرف حد بشكل شخصى من ضمن فريق المنظمين مفيش داعى انك تفضل تزن عليه مليون مره فى اليوم عشان ده بيزهقه وبتخسره كصديق.

20-  لو محصلش نصيب انك تشارك مفيش اى داعى انك تقعد تهلل وتشتم فيهم لان ده مش حيضيف او يغير من وضعك ...ممكن تسجل اعتراضك بايميل رسمى.

21-  فكرة انك تغلس بقى على المنظمين وتكتب ضدهم لو بدون سبب حقيقى فده اسمه harassment  

22-  اقرا شروط التقديم كويس جدا.

23-  لازم تعرفوا ان الضغوط اللى بيكون فيها فرق العمل خصوصا فى المنطقة العربية مهولة لان التنسيق بيتم مع عشرتلاف خمسوميه خمسة وستين جهة عشان بس جنابك تتحرك من مكانك لحد ما توصل عندهم.

24-  مفيش داعى للدلع الزيادة او ما يطلق عليه "الدلع المرء" يعنى عايز حد يشيلنى للفندق ويدلعنى لحد القاعة ويفسحنى بالليل وعايز قوضة بشباك بحرى فى الدور الخمسة وعشرين لان الفندق اساسا عشرين دور بس.

25-  لاحظ ان فيه غيرك كتير بيشاركوا وعليه لو كل واحد فيكم قال بس صباح الخير فاليوم خلص.

26-  لما يتكتب لك النصيب وتشارك ...التزم... ابوس ايدك التزم ...محدش صغير ...الالتزام جميل والله ولطيف وبيقلل معدلات الاحتكاك.

27-  اقرا شروط التقديم كويس جدا.

28-  لازم تعرف انك مش مشارك عشان تتفسح ...انت مشارك عشان تفيد وتستفيد.

29-  لما توصل ابتسم فى وش الناس وفى وش بتوع الفندق واللى بيشيل لك الشنطة ...اذا كنت انت تعبان من السفر فهما كمان تعبانيين فى شغلهم.

30-  لما بيكون فيه information desk or help desk فده عشان يساعدك لكن ده مش معناه انك تنقل مقر اقامتك عندهم لانهم مش baby setters .

31-  لو عندك مشكلة بص على كتيب التعليمات واعرف حتكلم مين ...لكن متكلمش كل الفريق على اعتبار ان حيزود فرصتك فى الوصول لهدفك.

32-  اقرا شروط التقديم كويس جدا.

33-  اتعامل مع الناس باحترام عشان يبادلوك نفس الاسلوب.

34-  عادة تغطية المشاركين بالاقامة فى الفنادق لا تتضمن المينى بار فعشان خاطري لو اخدت حاجة ابقى حاسب عليها.

35-  اشكر الناس وانت ماشى.

36-  ابعت لهم ايميل شيك عشان تسيب ذكرى مميزه.

37-  اقرا شروط التقديم كويس جدا.

38-   التزم بجدول الفعاليات ... وممكن تبقى تروح الجيم والساونا والجاكوزى بعد مواعيد الشغل.

39-  شارك وتفاعل على اد ما تقدر فى الفعاليات.

40-  اقرا شروط التقديم كويس جدا.

Crowdfunding: Dreams achieved

A couple of years ago Heba Khamis, a talented photojournalist from Alexandria, Egypt, launched her first ever crowdfunding campaign to pursue her dream…

"I received a half scholarship from The Danish School for Media and Journalism in Denmark to study photojournalism for 6 months; they offered me a fee waiver but without any stipend", said Heba.

That was not her first shock during the same month; Heba had been just laid off her job at one of the Egyptian privately owned newspapers due to a financial crisis and downsizing, "For me that meant I might lose the opportunity, but I had to find out my chances", she added.

All what Heba had at that time was her semiprofessional equipment, her talent and ambition. She contacted around thirty businessmen, governmental and private organizations but in vain until a friend suggested an online crowdfunding campaign.

Indiegogo was the platform she used, the campaign aimed at $11,000 Flexible goal but she only raised $2,210 by 39 backers which is around 20% of what she sought for. The amount raised covered her airfare. Another organization donated 1000 Euro in return for some photographic work.

To cut a long story short, Heba managed to get the required amount and she achieved her dream. After she returned, her story spread out and she had been invited to give an open public session about her experience.

Indiegogo is one of several crowdfunding sites, just like kickstarter. Heba chose Indigogo for its specialized photography category.   

Fundraising using crowdfunding sites is quite new to Egyptians especially those working in the media field, though people working in the investigative reporting can rely heavily on that technique to gather money for their projects.

Searching Indiegogo deeply from 2011 till now, one could find only 2 Egyptian media campaigns: Heba who achieved around 20% of her target and another project that almost achieved 97% of the target online for some political reasons.

Since 2011 Kickstarter hosted 5 media projects  of which 3 failed to collect the needed amount.

Being interested in media entrepreneurship and media business models, I had an inspiring conversation with Heba in an attempt to assess her voyage. The following are the key findings:

a)      Some mistakes were made during the campaign starting from formulating the message and not learning from others' experiences. First time use of the web site involved some misuse.

b)      Choosing the platform is very important and requires searching and analyzing in order to determine the community we are targeting, the money transferring channel and the website's commission.

c)       Most of the crowdfunding sites depend heavily on the social media platform, so we need to expand our network on the social media.

d)      Some people don't understand the real means of helping someone to achieve a dream. On the other hand the campaigner needs to send a clear message to the world.

e)      Culture constraints:

·         Community not accepting the idea of supporting a female to travel abroad.

·         Those who supported you once might not support you again.

·         Some people don't trust the online payment.

 The Above is a reflection on the Crowdfunded Journalism

http://www.journalism.org/2016/01/20/crowdfunded-journalism/

Using Videolicious

What is media literacy? 

النبى دانيال... الشارع والقيمة

النبى دانيال... الشارع والقيمة

شارع النبى دانيال هو ذلك الشارع الممتد بين ميدان محطة مصر وميدان سعد زغلول مرورا بتقاطعه مع شارع فؤاد ثم تقاطعه مع السلطان حسين واخيرا التقاطع مع شارع سعد زغلول ... ولمن لا يعرف الاسكندرية جيدا فتلك هى منطقة قلب البلد.

والشارع شأنه شأن منطقة وسط البلد بالاسكندرية مقام على أنقاض مدينة الاسكندرية القديمة التى شيدها مهندسو الاسكندر الاكبر اى انه مبنى على اثار رومانية ويونانية.

مدخل الشارع من ميدان محطة مصر يبدأ يسارا بمقهى شعبى ثم مكتبة اخبار اليوم ومكتبة أخرى فمطعم ثم محل بيع أسلحة ومحل نظارات طبيه ثم منطقة محاطة بسور حديدى هى منطقة اثار تسمى اثار البرديسى التى تنتمى للعصر الرومانى ثم مسجد سيدى عبد القادر الوفائى وامامها بالظبط يقع مسجد النبى دالنيال ثم مكتبة دار الهلال ثم مجموعة من المحال المتنوعة حتى فيلا المركز الثقافى الفرنسى وهى قيلا أثريه كان قد طلب ضمها لهيئة الاثار عام 2010 لمرور مائة عام على انشائها؛ ثم يتقاطع النبى دالنيال مع شارع فؤاد وبعبور الشارع تجد مقر حزب الوفد ومكتبة الاهرام وعلى يمينك ويسارك مجموعة من المحال المتنوعة التى تبيع كل شىء ومعظمها ادوات كهربائيه حتى التقاطع الثانى مع شارع السلطان حسين وبه مجموعة محال ملابس حتى تجد المعبد اليهودى الكبير ثم محل كان كان احد اشهر محال الحلوى قديما ثم تقاطع الشارع مع سعد زغلول فتشم رائحة البن الطازج وتجد يمينا محل البن البرازيلى المشهور وامامه سوق ليبيا ومبنى الغرفة التجارية العريقة وامامك مباشرة ميدان سعد زغلول ومحل ديليس الحلوانى وفندق سيسل العريقين و...شاطى البحر المتوسط.

هكذا عزيزى انت تعرف جغرافية الشارع ... أعود بك الى ميدان محطة مصر حيث مدخل النبى دالنيال تجد انتشار باعة الكتب فى اكشاك ممتدة من أول سور مسجد النبى دانيال يمينا وسور مسجد عبد الرازق الوفائى يسارا حتى التقاطع الاول مع شارع فؤاد فقط؛ اذا فنحن نتحدث عن ثلث الشارع تقريباُ .

المكان الذى نتحدث عنه هو المناظر لسور الازبكية فى القاهرة وسوق الكتب المقام على دفتى نهر السين بباريس. عدد الاكشاك الكلى 48 كشك تم تقنين أوضاعها أيام محافظ الاسكندرية عبد السلام المحجوب ومنحها تراخيص رسمية وأصحاب الاكشاك كونوا جمعية" بائعى الكتب بشارع النبى دالنيال" وتحصل المحافظة منهم فواتير مياة وكهرباء مما يعنى إعتداد المحافظة بهم.

مكتبة الاسكندرية نفسها عندما أقامت معرضا للكتب المستعملة جاءت بأصحاب تلك الاكشاك ليكونوا هم العارضين فى معرضها.

الكوارث والحوادث التى حلت بشارع النبى دانيال تنوعت واختلفت فلدينا الفتاة التى سقطت فى بالوعة كانت مفتوحة فى هذا الشارع وهى تسير مع خطيبها وهناك العمارة التى علت وأرتفعت فى ظل الفساد والغياب الامنى وهى الملاصقة للمبنى الاثرى لمسجد النبى دانيال والمعهد الازهرى ومالت عليه وتم تنكيسها بعد ان كادت ان تودى نهائيا بالمسجد الاثرى وتؤدى الى كارثة محققة والمسجد أضير بشده واغلق وهناك فجوة كبيرة امام المسجد بها أثار اعمدة المدينة القديمة.

أيضا هناك هبوط فى الشارع قبل مسجد النبى دانيال وتصدع فى السور الملاصق للمسجد أدى الى انهيار فى وسط الشارع مرتين على الاقل من قبل وبسببه أغلق الشارع امام المارة والسيارات أكثر من مرة... أيضا مكتبة دار الهلال ذات القيمة الكبيرة والمطبوعات ذات التاريخ لا احد يعرف مواعيد عملها فهى تقريبا لا تعمل وقد علا قفلها الصدأ.

فجر الجمعة الماضية خرجت حملة إزالة للتعديات التى سدت طريق ميدان محطة مصر ومدخل النبى دانيال ثم اجتاحت فى همجية أكشاك الكتب – المرخصة - فدمرت ما يقرب من 9 اكشاك تناثرت الكتب منها فى الشارع واختلطت بصراخ اصحابها على قطع أرزاقهم.

تناثر الكتب على الارض اعاد الى الاذهان مشهد حريق مكتبة الاسكندرية القديمة والهجمة الحالية على الثقافة والفنون والابداع بشكل عام فاذا كان تدمير أكشاك الكتب تم بشكل ممنهج اى عن طريق صدور قرار رسمى من الجهة الادارية فهى فضيحة وان كان قد تم بسبب جهل القائمين على تنفيذ قرار الازالة وعدم معرفة حدود التنفيذ فهى فضيحة أيضا  ... وفى الحالتين ما حدث كارثة.

الشارع قيمته ليست كما يدعى البعض مقتصره على للمثقفين الذين يجدون فيه ضالتهم من الكتب النادرة بل قيمته لغير الميسورين الذين يجدون فى تلك الاكشاك الكتب المدرسية المستعملة لابنائهم كل عام بأسعار ذهيدة ... الشارع قيمته ليست للمصريين فقط بل للزوار والسواح الذين يجدون فيه عبق المدينة القديمة بعد ان طمست معظم ملامح الاسكندرية القديمة ... الشارع قيمته ليست فقط فى كونه من اوائل شوارع اسكندرية الاسكندر بل فى بيوت الله على اختلافها.

المطلوب ليس فقط إعادة بناء اكشاك الكتب وتعويض أصحابها بل الكشف عن المسئول المباشر عن تلك الواقعة ومحاسبته واتخاذ كافة الاجراءات التى من شانها الحيلولة دون وقوع مثل تلك الكارثة مرة أخرى.

اغنيه اه يا دنيا - من فيلم الالماني

“Social media in a changing world”

Call for participants for the Euro-Mediterranean Academy for Young Journalists
“Social media in a changing world”

April 22nd 2012 – May 2nd 2012

http://emajmagazine.com/2012/02/02/emaj-2012-call-for-applications/

***

1 شاى بلبن و 12 كوباية برتقان وكتاب

بسبب البرد الشديد والغلس اللى بيخلى مناخيرى تكبر اكتر ما هيا كبيرة..نويت انى منزلش من بيتنا يوم الجمعة غير للصلاة والعودة الحميدة لسريرى وتليفزيونى و كتابى....
اما سريرى فهو قدام التليفزيون علا طول والريموت والموبايل وبكرة المناديل اللى بيقولوا عليها محارم فى الاردن وكوباية الشاى ابو لبن جنبى على الكرسى.التليفزيون امبارح كان فيه افلام تنفخ لانها معادة بس اتبسطت انى شفت جزء من فيلم الحفيد" غزالن ... قمرن.... يهبلن...بحب الحته ده جدا.هاهاهاها.
اما الكتاب فهو "شىء من هذا القبيل" ل "ابراهيم أصلان" اخصائى القصة القصيرة .الكتاب اشتريته السنة ده من المعرض وده تانى كتاب اقراه لاصلان بعد رواية "مالك الحزين" اللى كتبها فى منحة التفرغ اللى اخدها من وزارة الثقافة بتزكية من نجيب محفوظ واللى اتعملت بعد كده فيلم الكيت كات- مسقط رأس أصلان - بطولة محمود عبد العزيز (الشيخ جسنى) والمرحوم نجاح الموجى ( الهرم).
المهم انى عرفت حاجة مهمة جدا من الكتاب ده...عرفت ان الفيلم ده من خيال ده واقع موجود فى حى الكيت كات وان اصلان كان ناوى يكتب جزء تانى يتكلم فيه عن نهاية الشخصيتين دول.
بيقولك ايه بقى ان الهرم بقى ايه خير اللهم اجعله خيربطل تجارة حشيش وبقى كل يوم قبل الفجر يصحى ويصحى الناس بدبيب عصاته ويقول الصلاة خير من النوم ورغم كده مكنش بيدخل الجامع يصلى ؟!!! أصل مرة ومراته الجديدة نايمه على كتفه شهقة شهقة وماتت فالراجل انتابه هلع فظيع واطلق لحيته ووضع عمامة وبقى يجوب حوارى امبابة يصحى الناس للصلاة.
اما الشيخ حسنى فجوزوه بنت خالته اللى كانت بتشوف بالعافية بس هوه مكنش يعرف ومرة طلب منها تعمل له شاى فكانت حترق البيت كله..المهم انه طلقها ومات بعد كده.

قمت اجيب كوباية برتقان – اخر النهار اكتشت انى شربت حوالى 12 كوباية- ورجعت اكمل الكتاب.

قصة قلم ابنوس فكرتنى بنفسى لما كنت صغير وكنت بشوف جدى – اللى كان خطة ممتع جدا – بيكتب بالريشة وكان من المستحيل ان حد يمد ايده عليها حتى وهما بينضفوا....ولا القلم الباركر او المون بلون بتوع بابا ...كنت ببقى متغاظ لانهم مش بيخلونى اكتب بيهم وانهم دايما كانوا يقولوا لى حسن خطك واحنا نجيب لك زيهم...وهو خطى لسه نبش فراخ..بس بقى عندى المون بلون بتاعى ومن حر مالى لما كبرت...بس تفضل ريشة جدى اللى فى الدولاب دلوقتى لانه مات واقلام بابا اللى لسه مش عايز حد يلمسها!!!!

فى قلم ابنوس اصلان كان اجرأ منى فيها لانه اتسلل من ورا ابوه ومسك القلم...انا مقدرتش اعمل كده رغم ان الفكرة كانت مطروحة جدا وانا صغير.

قصة الكنيسة نورت حسيت فيها بسخافة المبانى الحديثة وتطاولها على جزء مهم من تاريخ اصلان لان الكنيسة ده كانت فى رمضان تضىء فى نفس وقت اذان المغرب عشان الناس تفطر وكان اصلان بيقف مع اصحابة على الشط عشان يشوفوا الكنيسة وهيا بتنور فى نفس وقت سماعهم للاذان...دلوقتى مش بيقدر يشفها عشان المبانى الشاهقة غطت عليها. فكرة الوحدة الوطنية بجد مش بتاعة اللى فى القلب فى القلب يا كنيسة.

34 نصا ما بين المذكرات والقصة والمقالة ؛ حرفية ابراهيم اصلان وجمله القصيرة واستخدامه المحدد جدا للكلمات لدرجة انك متلقيش جملة ممكن تختصرها من القصة.كل كلمة وحتى الفصلات ليهم معانى.
الايقاع سريع...سواء كان بيكتب قصة شخصية او قصة من خياله فانت تذوب فى ثنايا ومفردات القصة.

فى قصة م القصص بتقول ان ان امبراطور صينى استدعى رساميه وطلب منهم ازالة رسم لشلال فى غرفة نومه لان خرير الماء يقلق نومه!!! اللى شدنى هنا يمكن التوصيف للدرجة ده ممكن دقة الرسم تشعل الاحساس بانها حقيقية؟!!

" ليس مهما ان نحقق احلامنا او لا نحققها، فالامور لا تقاس بنتائجها ؛ ولكن بما نبذل من جهد " جملة اخرى استوقفتنى كثيرا جدا. مش عارف ...مش حاسس الجملة او بمعنى ادق حاسس انها بتهد حاجات كتير اتعملتها ودرستها واشتغلت فيها "التقييم"Evaluation .مهو ازاى انا حقيم حد على مجهود من غير نتيجة؟؟؟ مش عارف بصراحة
هوه طبعا المجهود لازم يتقدر بس العبرة دايما بالنتائج!!

الخلاصة انى احب انكم تقروا الكتاب ده لو عندكم وقت.
للمزيد عن ابراهيم اصلان:
http://www.shorouk.com/aslan/

ملحوظة: كتب الموضوع فى عام 2009 وأعيد نشره تكريما للراحل الذى فارقنا بالامس