Saturday, December 26, 2009

أعترافات من دفتر يوميات زيارتى الاخيرة لباريس


أعترافات
من دفتر يوميات زيارتى الاخيرة لباريس

* أعترف بوقوعى فى غرام القهوة الفرنسية والكريب والباتيه والكرواسون والعيش الفينو ورشاقة وجاذبية وشياكة بنات باريس؛ فمقاس الفتيات هناك يبدأ من Xs . والمخبوزات لا تمت بصلة لنفس مسميات المنتجات فى مصرحتى فى أرقى الاماكن.

* أعترف بوقوعى أكثر فى غرام الفنون والفنانين على اختلاف مشاربهم واتجاهاتهم الفنية. فقاعات العروض (الجاليرهات) فى كل مكان ومفتوحة طوال اليوم وتستطيع ان تشم فى الهواء رائحة أحترام الفنون فى الشوراع.

* أعترف بانبهارى بعمارة كنيسة نوتردام دى سيون ومتانة بناينها وأجراسها التى نسجت أسطورة أحدب نوتردام ومنظر باريس من أعلى نقطة ببرجها.

* أعترف بصدمتى فى معهد العالم العربى بمساحته الشاسعة والذى تحول لمخزن كتب وقاعة قراءة للجرائد اليومية ومطعم لبنانى شيك بالدور الاخير و اقتصار عروض الفنون التشكيلية على المجموعة التى يمتلكها المعهد دون تجديد مما أصاب صديقى الفنان التونسى" مراد حبلى" بالاحباط حيث كانت امنيته ان يعرض رسوماته ومنحوتاته هناك.

* ثقافة السيارات السائدة فى باريس هى أن السيارة لها معنى من ثلاث "بيجو- رينو – سيتروين" أما "المرسيدس والبى أم دبليو والاودى" فهى للتاكسى – مفهومة ده ولا نقول تانى-.

* آداب التعامل فى باريس مقدسة وان تبدأ كل كلامك ب "من فضلك" او "لو سمحت" مع أى شخص بغض النظر عن ماهية هذا الشخص أو كينونته تجعلك تفخر بكونك انسان تعيش هناك.

* أحترمت نظافة مترو الانفاق بالقاهرة بعدما شاهدت مترو باريس فعلى الرغم من انتشار الاخير ليصل لكل دوائر باريس الست الا انه ليس نظيفاً بالمرة.

* تستطيع ان تتفهم الجو الثقافى العام بباريس حين تعلم أن بها دارين للآوبرا احدهم بميدان الباستيل للمراهقين والشباب تركز على فنونهم وتقدم عروضهم بجانب العروض الاخرى وتربيهم على احترام البالية والاوركسترا.

* أندهشت من الكم الهائل للشحاتين بباريس والذين يشحتون بمختلف لغات العالم ومعظهم قادمون من أوروبا الشرقية.

* لا يعير الفرنسيون اهتماماً كبيراً لأنفلونزا الخنازير فهو على يقين انه فى حالة اصابتهم فالمصل متوفر ولا يشعرون باى مشكلة بصدد هذا الموضوع.

* أعتراف اخير: لا يستطيع المرء ان يتفهم باريس جيدا إن اقتصرت زيارته على برج ايفل وميدان الكونكورد وقوس النصر ومتحف اللوفروالشانزليزيه بل لابد من زيارة الاحياء الفقيرة وهى على بعد خطوات خلف كل هذه المزارات السياحية أو ان يذهب ل" جارد دى نورد" كى يلمس كيف يعيش الافارقة والهنود هناك.

Wednesday, December 9, 2009

ع السريع (12)

ع السريع (12)

1. حينما تختلط الموضة مع عدم الوعى – الجهل أحياناً – متبوعاً بموجات التقليد الاعمى فتكون النتيجة الكم الهائل من " الجزم" البوت للبنات والبنطلونات "أم وسط ساقط" للى مش عارف اسمهم ايه دول لانهم أكيد مش رجالة فى الشوارع.
2. تحول ما يسمى بسلاح المقاطعة ذو القوة الاقتصادية الرهيبة إلى لعبة من لعب الاطفال بسبب سوء استخدامنا له كعرب فما عاد يجدى رغم انه كان شديد التأثير فى مواجهة الدانمرك.
3. قمة كوبنهاجن والتى تناقش مشكلة الاحتباس الحرارى والموضوعات البيئية المختلفة أصبحت مسيسةً؛ والتغطية الاعلامية المكثفة والرهيبة فى كل الوكالات الاعلامية والجرائد والمجلات واضح انها موجهة جداً. وأدعى انها ستستخدم عام 2025 فى توسيع رقعة الدول الفقيرة وزيادة دخل الدول الغنية. كلمة السر الانبعاثات.
4. السويد تطرح مشروع قرار " القدس الشرقية عاصمة فلسطين" ليفنى تهدد وتقول " العبى بعيد يا سويد - الاتحاد الاوروبى قد لا يكون شريكا هكذا فى عملية السلام" وفى النهاية السويد لعبت بعيد والاتحاد الاوروبى طلع مسودة لمواخذة "كسكسى على حمصى".
5. همسة فى أذن الاصدقاء وفى أذنى ايضاً: عندما تكون فى نفسك شىء من صديق؛ اذهب اليه ولا تقاطعه؛ تعاتبا؛ تفاهما سوياً؛ فالقطيعة تولد الجفاء بما يعطى الفرصة للقيل والقال فتضيع الحقيقة ويفوت الاوان.
6. من خبرتى مع المؤسسات الحكومية وأخرها الشهر العقارى مأمورية سيدى جابر ان العمل يتوقف على الحالة المزاجية للموظف/ة وحسب التساهيل....كما ثبت فشل الابتسامة البلهاء التى أوصيت بها عند التجنيد وحل محلها هنا التكشيرعن الانياب مع أدب جم وشهيق وزفير لتنفيس الغضب.

Saturday, October 31, 2009

وفاة عالم جليل


وفاة عالم جليل
استيقظت صباحا على رنة رسائل تليفونى المحمول وهى رنة مميزة كى لا أخطئها وفحوى الرسالة من موقع أخبار مصر تنعى وفاة العالم الجليل الدكتور مصطفى محمود وصعود روحه الى بارئها ؛أسرعت الى الانترنت كى اتأكد من الخبر وبالفعل أكدته رويترز فى الحادية عشر الا بضع دقائق.أتصلت بأحد أصدقائى بالقاهرة يعيش بجوار مستشفى ومسجد الفقيد الذى أكد لى الخبر.لا أعرف بالظبط لماذا حاولت التأكد من الخبر من ثلاثة مصادر مختلفة؛ أعلم تمام العلم انه كان فى غيبوبة منذ اسبوع او ما يزيد عن الاسبوع ولكنى كنت أأمل ان تمر بسلام.
أعلم انه كان مريضاً ولا يفارق فراشه منذ أمد طويل ولكنه على الاقل كان هنا.

لم أشرف بمقابلة الدكتور مصطفى محمود شخصياً ولكن طبعات كتبه فى دار المعارف تتصدر أرفف مكتبتى المتواضعة بالمنزل ولعل أول ما قرأت له رواية( رجل تحت الصفر) ثم ( العنكبوت) ف ( حوار مع صديقى الملحد) متبوعاً ب (رحلتى من الشك للإيمان) والاخير كان له تأثير كبير فى حياتى. ولا أستطيع ان أخفى اننى لم أكن أفهم كا ما هو مكتوب ببعض هذه الكتب لصغر سنى فى ذلك الوقت ولكنى عند إعادتى لقراءة صديقى الملحد والرحلة أكتشفت عوالم جديدة مختلفة وأبعاداً لم أصل لها فى قرائتى الاولى.

أيضاً حلقات ( العلم والإيمان) كان لها ميعاد مقدس عند والدى الإثنين الساعة التاسعة ومقدمة الناى الحزينة في البرنامج والافتتاحية (أهلا بكم (وأعترف ايضاً ان عقلى الصغير لم يكن يستوعب كل هذه المنجزات التى يعرضها ولكن ما كان دائماً يجذب انتباهى هو انتقاله وبكل رشاقة ما بين العلم والدين وربطه لكل ذلك بحياتنا اليومية.

الفقيد له أكثر من 80 كتاباً ما بين الفلسفة والدين والعلوم والاجتماعيات والسياسة كما برع فى أدب الرحلات وحوالى 400 حلقة من برنامجه الاشهر العلم والإيمان كما انشأ مسجداً معروفاً بأسمه ومستشفى لمحدودى الدخل؛ وهو من الاشراف حيث ينتهى نسبه الى على زين العابدين.

أدعوا له بالرحمة.

Monday, October 26, 2009

جاموسة وماس كهربائى ومختل عقلياً

جاموسة وماس كهربائى ومختل عقلياً

الحمد لله الذى لا يحمد على مكروه سواه...لم يتعسنى الحظ كى اركب القطار على اى من الخطوط الموجودة بمصر منذ شهر يونيو الماضى وذلك لارتباطى الشديد بركوب الطائرات فى عدد من الزيارات الخارجية ورغم اننى ركبت طائرة قادما من اسطنبول الا ان الحظ لم يسعفنى للقاء اى سودانى على متن الطائرة وعدت سالما غانما الى ارض الوطن.

أما بعد:
فها قد انضم قاتل جديد لسلسلة القتله الذين لا يتواجدون الا فى مصر ومصر فقط . فبعد ان شبعنا من سيرة المختل عقليا الذى يستل الته الحادة ويقتل المصريين وبعد ان تأكدنا ان الماس الكهربائى هو السبب الرئيسى فى كافة الحرائق التى مرت بمصر على مدار العاميين الماضيين ؛ تاتى الجاموسة وتلقى بثقلها امام جرارالقطار فى تقليد جديد اخشى ان تتبعها باقى الدواب فى اتباعه فنجد الابل تجرى فى سباق مع الطائرات بهدف اختطافها ونعيد فتح ملفات تفجيرات الحادى عشر من سبتمبر فنجد ان الابل الصحراوية المدربة هى السبب الان.

جل ما اخشاه ان تكون حادثة الجاموسة هى رسالة تهديد مقصودة منها كمندوبة عن باقى الجواميس والبقر والخرفان والماعزوتحذير واضح وكبيان للعين الحمراء للبشر " متفكروش تدبحونا السنة ده".

ربنا يكفينا ويكفيكم شرهم.

Tuesday, September 22, 2009

ع السريع ( 11)

ع السريع ( 11)
1. اللى حصل فى فينسيا ده اقل حاجة تتقال عليه انه فضيحة وناس مش فاهمة رغم قامتهم الرفيعة وقيمتهم الفنية.. يا ناس اذا بليتم فاستتروا.منكم لله ضيعتم فرحتنا بوجود الفيلم هناك.مش فاهم يعنى ايه الابطال مشفوش نسخة الفيلم رغم ان فيه اخبار مؤكدة انهم شافوه "فيرست كت".يعنى مكنوش مستنين يرجعوا البلد ويتكلموا لا ده كده فى صحافة العالم.يا فرحة ابله " طازة" فينا.واكيد انتم عارفين مين ابله "طازة"؛ايوه صح برافو اللى اخدم الجايزة.
2. مع تقديرى الكامل لفريق عمل مسلسل اسماعيل ياسين ومسلسل ليلى مراد بس مش عارف ليه كنت حاسس انى شايف عبد المنعم ابارهيم فى بعض الحلقات وشادية فى كل الحلقات!!!
3. صراع الهاكرز المصرى – الجزائرى اثبت انه والحمد لله الشباب العربى عنده فهم ووعى ودراية واسعة وحرفية عالية فى الهاكينج على بعضهم البعض وسرقة المواقع العربية والسطو عليها .بهدوء كده الشباب المحترف ده لو اتحد ممكن يعمل ايه؟؟؟ اعتقد انه ممكن يعمل كتير.
4. اعلان كارفور فى عدد الاهرام الجمعة الماضية بعد زيارة الرئيس بيقول اكتر بكتير من السطرين المكتوبين فى وسط الصفحة اللى كانت فاضية خالص غير من " كارفور يهنئكم بعيد الفطر".
5. الهند تستزرع ارز لا يحتاج للطهو.ده عنوان الخبر اللى بيقول ان فى مقاطعة اسام الهندية – شمال شرق - استزرعت ارز طرى ومرن – ملعب يعنى – تحط عليه الزيت وتاكله.ياريت نبعت لهم خبرائنا بدل ما الفشل الزراعى اللى بقينا فيه بعد ما كنا اسياد الاراضى الزراعية.
6. الصين وما ادراك ما الصين!!!بعد السجاجيد والسبح والعبايات والقفاطين والفول المعلب والفلافل البودرة والنودلز وفوانيس رمضان والحجارة الصوبع ام جنيه والذهب الصينى جاء الدور لتصدير غشاء بكارة جيلاتينى صينى من اختراع اليابان وب 15 دولار بس يا بلاش!!! الحقيقة انا مش بتكلم عن موضوع الشرف والبكارة – رغم انه اساسى - انا بس حتكلم من منطق تجارى بحت لان ده معيار الحوار مع بلد زى الصين. التصدير يعنى ارسال كميات تقدر بالافات او بالملايين بمعنى ان فيه طلب فى مصر اتقدم عشان مصدر او مصنع صينى يبعت لنا المنتج ده بعينه فى الوقت ده - واللى الخبر قال انه بعد رمضان مراعاة لشعور المواطنين – يبقى احنا ندور على مين اللى بعت الطلب ونشوف هوه ازاى قدر ان مصر محتاجه المنتج ده وهل معنى ذلك ان فى مصر مشكلة فى الموضوع ده يعنى ولا ايه مش فاهم؟؟؟ واحد صاحبى علق على الموضوع ده وقال: الصين عايزة تحول مصر من كبريت لولاعة.

Tuesday, September 15, 2009

رمضانى

رمضانى

ابحث عن فانوسى
نعم انا على مشارف الثامنة والعشرون ومازلت ابحث عن فانوسى
ذلك الذى طالما اضاء لى بشمعته طريقى الى غرفة الطعام
كى اقفز فوق الكرسى - ليس بهدف اللهو- ولكن لقصر قامتى
اقفز او اتقافز كى اطول واحدة من تلك القطيفات التى كانت تصنعها جدتى بعناية
حبات الفسدق والبندق وقطع جوز الهند الكبيرة تغطيها
قرص الكنافة والعسل مازال يسيل عليها حتى انتهى من التهامها
مشهور انا بين اطفال العائلة – الكبار الان – انى نهم جدا للحلوى
و....صحبة العائلة
تلك التى ما عادت تلتقى الان
لضياع الفانوس
و...وفاة جدتى

Sunday, September 13, 2009

فين رمضان بتاع زمان

فين رمضان بتاع رمضان
• رمضان مش زى رمضان بتاع زمان لما كنا صغيرين خالص وفوانيس؛ واحنا صغيرين كنا بنبقى صايمين بس كنا بنلعب كتير قوى فى المدرسة عشان نسلى صيامنا بس لما كبرنا وبقينا نروح الشغل بقينا عايزين ننام ومنشتغلش لنفس السبب اللى كنا بنلعب عشانه اللى هوه اننا صايميين!!!

• رمضان مش زى رمضان بتاع زمان لما كنا صغيرين كنا بنروح نصلى مع اهالينا رغم اننا يمكن مكناش بنبقى فاهمين اوى يعنى الفرق بين التهجد والتراويح بس كان فيه فرحة اننا بنصلى وسط المسلمين بس لما كبرنا بقينا بنتحجج عشان مننزلش ورايا مشوار او تعبان النهاردة او الجو الحر!!!

• رمضان مش زى رمضان بتاع زمان لما كنا صغيرين كانت الروح بتبقى حلوة والناس كانت بتبقى ماسكه لسانها بجد عشان صايمة دلوقتى ولنفس السبب الناس مش ماسكة لسانها ولسانها عمال يطول لما بقى اطول من ثعبان الاناكوندا!!!

• رمضان مش زى رمضان بتاع زمان لما كنا صغيرين مكان فيه بوجى وطمطم بجد بس لما كبرنا بقى فيه مسخ لبوجى وطمطم..شىء ملهموش اى ملامح من القيمة القديمة سوى الاسم!!!

• رمضان مش زى رمضان بتاع زمان لما كنا صغيرين كانت عزومات ولمة الاهل فى البيت الكبير وبعد كده فى كل بيت عزومة بس لما كبرنا للاسف بقت العزومات عند بن البلد وحسنى وبلبع والشباب فى زانيللى وروسترى وشامى وراحت من العزومة روحها بقت اكل زى اى اكل عادى فى اى يوم عادى!!!

• رمضان مش زى رمضان بتاع زمان لما كنا صغيرين لان لما العيد يقرب كان الكل يتلم عشان يعمل الكحك والبسكويت والغريبة والقرص وحبيب قلبى اللانكشاير بس دلوقتى بقى كله جاهز من بره عشان مفيش وقت والعضمة كبرت يا بنىوالجيل الجديد من البنات معندهوش فكرة الكحك بيتعمل ازاى وده قد يؤدى الى اندثار الفكرة فى البيوت واقتصارها على الحلوانى ...يا مؤمنين كيلو الكحك بالفسدق بقى ب 70 جنية ...الله يكون فى عون العرسان الجداد!!!

والله بعودة يا رمضان

Wednesday, September 9, 2009

ع السريع (9)

ع السريع (9)
1. بعد الفشل الذريع لشركة النظافة بالاسكندرية وانكماش عدد صناديق القمامة من صندوق لكل عمارة لصندوق لكل عمارتين لصندوق لكل شارع لصندوق على ناصية كام شارع وبذلك اصبحت اكياس القمامة على كل النواصى وتستطيع ان تستيقظ يوميا على صياح ساكنى الدور الاول مع المارة الذين يلقون بالقمامة؛ تفتق ذهن احد المواطنين الى جلب مجموعة من القلل وملوها بالمياه ووضعها فى نفس مكان القمامة وقام اخر بشراء مجموعة من اصاصيص الزرع ووضعها امام ناصيته.مش عايز اقولكم المنظر بقى حلو قد ايه والناس بقت تتكسف ترمى الزبالة ع الناصية ,رغم النظر الحلو الا ان السؤال مازل قائما فين الصناديق؟؟؟
2. امبارح بالصدفة فتحت التليفزيون وبالصدفة برضة فتحت الاخبار المصرية لقيت فيه اجتماع وزراى موسع مع الرئيس ووزير الصحة بيتكلم عن الاجراءات الاحترازية عشان انفلونزا الخنازير وبيشرح الخطة ووزير التعليم اتكلم والتعليم العالى بردة اتكلم.بس اللى لفت نظرى تعليقات الرئيس واسئلته مثلا حتطعموا مين الاول رد الوزير مسئولى الدولة الذين يسيرون اعمال البلد حتى لا تحدث اضطراب فرد الرئيس لا طعموا الشباب الاول وطلبة المدارس وبعدين سأل سؤال محدد جدا :ما هى الاثار الجانبية للفاكسين؟؟واضاف مش عايزين نطعمهم فيبقى عندنا جيل مشوه فى حته تانية.المهم انا قلت لما ادخل كده على الانترنت اشوف ايه اجراءات الدول التانية وبالذات امريكا وانجلترا والصين لقيت ان نفس الكلام بالنص وحتى التعليمات المرسله للمدارس ..قلت فى عقل بالى لما مسئولى البلد بيخططوا كويس كده امال ايه سبب الكوارث اللى احنا فيها؟؟؟
3. ايه الملل والتكرار اللى فى مسلسلات الاستظراف اللى اسمها سيت كوم ده. احب اوجه لهم رسالة "خف تعوم" ومش عشان مسلسل نجح نعمل له مليون جزء وبعدين تبص على الكتاب تلاقيهم مشتركين بس يقولك لا هما مشتركين اه بس الروح مختلفة.
4. ممكن اسال سؤال بايخ وغلس ومعندهوش دم : ايه اللى بيخلى الستات تركب عربيات الترام المنفصلة بتاعت الرجالة؟؟ مهو مكتوب على العربات عربة السيدات وعربة الرجال. وبعدين لو حصل لا قدر الله وجريت ورا التروماى وملحقتش غير عربة السيدات وركبتها وانت ف نيتك انك تنزل المحطة اللى بعديها وتركب عربة الرجال تصاحبك نظرات الاشمئزاز والاشمئناط وتجد كلمات تتطاير حولك من عينة ناس معندهاش دم او ما تتلم يا راجل وتركب هناك.ممكن حد يفهمنى ايه المنطق فى كده!!!
5. الحمد لله بقى لى اسبوع اه والله سبع ايام بقرا فى الخطبة (المقدمة) فى كتاب تخليص الابريز فى تلخيص باريز. امهات الكتب ده صعبة قوى بس انا سعيد جدا والله المرادفات والاطناب والجناس فى الجمل والكلمات رائع جدا ومثرى للغة فمثلا قال عن العلم:" ان خير الامور العلم ؛ وانه اهم كل مهم وان ثمرته فى الدنيا والاخره على صاحبه تعود ؛ وان فضله فى كل زمان ومكان مشهود". أه نسيت اقولكم ان المقدمة 5 صفحات بس.

Saturday, September 5, 2009

ع السريع (8)

ع السريع (8)

1. انتخابات الاندية بالاسكندرية تحولت لحرب اعلانية وبتموتنى على نفسى من الضحك عاملة زى اعلان مطلوب عريس او مطلوب عروسة ؛ كل واحد نازل الانتخابات يأجر كام يافطة فى الشارع ويحط عليها صورته لدرجة انى حاسس انها بقت وجاهة اجتماعية اكتر منها خدمة لاعضاء النادى .والمستفز جدا انهم كلهم زى بعض مع اختلاف الالوان ومفيش فيهم اى فكر ولا تخطيط بمعنى ازاى الصورة واليافطة تخدم المرشح وتقدمه للناس. المفروض ان الف باء الاعلان ان يكون هناك فكرة او صورة ذهنية معينة عايزين نوصلها للناس او للمتلقين. يا ناس ارحمونا من التلوث البصرى ده.
2. تساءل المجلس القومى للشباب فى المؤتمر الثانى للشباب والاحزاب عن اسباب عدم اقبال الشباب المصرى على الحياة السياسية وان نسبة المشاركة هى فقط 8 % ؟؟؟ ابسط واهيف حاجة ادعوهم يروحوا يشوفوا ازاى الشاويش اللى قاعد على دفتر البطاقات الانتخابية عامل ازاى وكمية السين والجيم عشان تاخدك بطاقتك.
3. الموضوع ده حساس ومش عايز فيه تهريج او هزار: رمضان شهر الصوم يعنى الطبيعى ان كل مسلم بالغ عاقل انه يصوم اخذين فى الاعتبار الاعذار الشرعية. وتطبيقا لمبادىء الحرية من حق برضة الافراد انهم لا يصوموا لان كل واحد بيشيل وزرة وكل واحد حيتعلق من عرقوبه. لكن المسلمين اللى فاطرين علانية وجهارا نهارا كده ده انا اعتبره اعتداء على حرية الاخرين الصائمين .لن ازيد فى هذا فيا عزيزى اذا كان من حقك ان تفطر فمن حق الاخرين عليك ان تراعى مشاعرهم.
4. نكته كده بسرعة:الخبر بيقوا " وفرض برانكو (مدرب رواندا) سياجاً من السرية على التدريبات، لدرجة أن الشرطة أحاطت بالمران الرئيسى لمنع حضور أى شخص من أصحاب البشرة البيضاء دخول الملعب" التعليق: هوه ميعرفش ان فيه مصريين سمر واسمر من اللى فى رواندا ولا ايه!!! يارب النصر لمصر.
5. فارسل لها الوالى العثمانى قائلا:اعدمتم الرجال فى مصر فنرسل لكم فرد عليه شجرة الدر قائلة:فين الجيندر ايكواليتى!!!

Monday, August 31, 2009

تركيا...ترقص


تركيا...ترقص

فى تركيا الرقص انواع واشكال مختلفة أول مشاهداتى ومشاركاتى للرقص فى تركيا كان فى حفل الاستقبال الرسمى والذى اقامته الجامعة المستضيفة وكان الرقص تراثياً عبارة عن مجموعة من الفتيان والفتيات يرقصون على انغام تركية قديمة ظننتها قبرصية او يونانية فى البداية لوجود طعم البحر المتوسط بها ونغاماتها بها صبغة اليود الممزوج بهواء البحر المنعش.

الرقصة كانت عبارة عن خطوات حاولنا التقطاتها خلال الساعة التى رقصوا فيها قبل ان نندفع الى ساحة الرقص كى نشاركهم فهى فرصة لتعلم الاتجاهات التركية فى الرقص الا ان الحلبة تحولت – بقدرة قادر – لحلبة رقص مصرى ولبنانى وتركى ولعل اهم من الرقصة الرسمية هذه ما قامت به فتيات وفتيان الفرقة بتعليمنا اياه بعد الحفلة خلف المسرح خطوات خفيفة وذكية ولذيذة وبرضة كانت الاشارة هى اللغة المعتمدة حيث انهم لا يتحدثون سوى التركية.

ثانى احتكاك كان فى الشارع بمنطقة "كوم كابيه"وهو عبارة عن شارع له فرعين منحدر من امام "الجراند بازار" وينتهى على البحر مباشرة وكله مطاعم سمك ومشويات واحنا بناكل هناك لقينا واحدة رقاصة اه والله رقاصة ولابسة بدلة رقص زرقاء مفتحة مفتحة مفتحة وبترقص ما بين الترابيزات فى كل المطاعم والحق يقال ده مكنش رقص ده كانت مجرد بتهز وسطها وباقى جسمها بس لكن كمصرى عارف يعنى ايه رقص اقدر اقول ان مفيش فن محسناش انها عندها رسالة بتوصلها من خلال الرقصة. لكن الفكرة نفسها لها مدلول تانى لان الهانم الرقاصة كان معاها بودى جارد وغيرت بدلتها 3 مرات ومعاها فرقة بتعزف وراها يعنى فيه نظام وسيستم – حنتكلم عن الشارع اكتر فى مقام اخر –.

أما ثالث الرقصات فهو ما اشبع نفسى وروحى الى ابعد حدود ...موسيقى صوفية ورقص المولولية او الدراويش.الحفلة كانت بالقرب من منطقة سلطان احمد والسوق الكبير فى مبنى كان فى الاصل جامعة والان هو متحف للصحافة التركية يضم مجموعة من اللوحات الاثرية ومكاكينات الطباعة القديمة جدا وبعض الوثائق الصحفية.

قبل ان اتحدث عن الدراويش او دورانهم لابد ان اتناول الحفل والذى اقيم بمناسبة مرور ثمانمائة عام على ميلاد "مولاى جلال الدین الرومي" ولمن لا يعرفه وبدون استرسال فهو أديب وفقيه ومنظِّر وقانوني صوفي. عرف بالرومي لأنه قضى معظم حياته في منطقة تسمى "الروم" في تركيا ؛ وكان مسلما مؤمناً بتعاليم الإسلام السمحة مما مكنه من اجتذاب اامستمعين لتفكيره المرن المتسامح. له من المؤلفات ما بين الشعروالرباعيات ديوان الغزل، مجلدات المثنوي الستة، المحاضر أو الخطب، الرسائل والموعظ الستة الشبه مفقودة وبعد وفاته، حول ابنه "سلطان ولد" تعاليم الرومي إلى مذهب متكامل والذي عُرف بالطريقة المولوية.

بدأ الحفل بقراءة بعض من آيات الذكر الحكيم من احد القراء ثم بعض الادعية والتواشيح من رئيس الفرقة اما الموسيقى فكان لها اثر ووقع فى نفسى اهلنى لحالة لم اكن اتوقع ان اصل اليها من النشوة والصفاء فالحفل كان روحانيا بشكل هائل ودوران الدروايش من خلال اجزاء العرض السبعة مستوحى من الشعر الصوفي والمجله لحب الله من خلال الموسيقى والحركة والدوران.

الرقص او الدوران برفع اليد اليمنى للسماء بهدف استقبال الخيرات من الله سبحانه وتعالى واليد اليسرى موجهة للارض والدوران من اليمين إلى اليسار حول القلب. ثم يبدأ صوت الدفوف والتى تضرب ثلاثاً ثم يتداخل معها صوت الناى ويستمر الدوران بشكل فنى معين فتتشكل ملابسهم بشكل الفانوس وتصل سرعة الدوران عند ذكر عبارة (يارسول الله مدد/ياحبيب الله مدد( ويختتم الدوران ب (الله الله..الله الله..الله الله يا الله).

بعد الحفلة كان عندى نهم شديد اعرفغ اكتر من الاتراك اصدقائنا عن مدى انتشار النوع ده من الرقص وانتشارة وعرفت ان ليه مراكز فى تركيا وان الحفيد العشرين لجلال الدين الرومى هو من يقوم بتسيير اعمال الطائفة الان والغريب انهم ذكروا ان كمال الدين اتاتورك حينما تولى سدة الحكم بعد الدولة العثمانية لغى المولوية ولكنها عادت بعد ذلك وتستخدم فى الاحتفالات التركية الرسمية كنوع من انواع الفلكلور التركى.

وللحديث بقية ان شاء الله.

Wednesday, August 26, 2009

تركيا...بتفكر بالتركى


تركيا...بتفكر بالتركى
تشكورات افندم...فلد خرسيس أدب مفيس... لما بدى يتسنى...الطرابيش...الباب العالى...الدولة العثمانية...قهوة تركى وأضيف الى هذه الاشياء الاكل التركى والاخيره ده عرفتها من سفرى لاوروبا يقولك مسلم يبقى روح عند محل الاكل التركى والشاورما التركى والكباب والكفته التركى. ده الحاجات اللى علا طول تيجى فى دماغك لما تسمع تركيا.

ولا اخفيكم سراًً ان الفيزا لتركيا واحدة من اسهل الفيز اللى ممكن تاخدها فى حياتك ؛ فى 3 ايام كانت الفيزا على الباسبور وب250 جنية بس ولمدة 3 شهور كمان.الحقيقة فرحت قوى ب 3 شهور دول يعنى لو اتهفيت فى عقلى وحبيت اروح اشوف "التوب كابيه" او لو حبيت اروح اشرب لى فنجان قهوة مظبوط او كوباية شاى زردة او حتى اكل ساندوتش شاورما او حبيت ازرو اصدقائى الاتراك يبقى باسبورى فى جيبى وعلى الطيارة عدل.
المهم ركبت مصر للطيران لاول مرة فى حياتى وشهادة للتاريخ الطيارة كويسة والضيافة عادية يعنى والمضيفة طلعت من طنطا ولذيذة وكويسة والحمد لله الصحبة فى الطيارة كانوا زى الفل وطول الرحلة التى قاربت الساعتين كنا بنتكلم والحمد لله وصلنا هناك بالسلامة.

ونزلنا والحمد لله مطار اسطنبول الدولى ويالهول ما رأيت هوه طابور بس معرفناش اوله فين واخره فين ولما اشتكينا ردوا علينا نفس الرد اللى سمعته فى السويد "اصل فيه طيارتين وصلوا فى نفس الوقت"زى ما يكون المطار معمول عشان طيارة واحدة.واوعوا تفتكروا انى فهمت الجملة ده بالساهل هما اصلا مش بيتكلموا غير تركى لدرجة انى بعد محاورات ومناورات واندساس وسط الناس بقيت بقدرة قادر قدام الظابط اللى مش بيتكلم غير تركى اه والله ولا انجليزى ولا فرنساوى وفضل موقفنى قدامه 10 دقايق ومصر ان انا مش انا لانى فى الباسبورلابس نظارة ومربى شنبى وفى الحقيقة انا مش لابس نظارة ومربى دوجلاس وقعدت احلف له بامانات المسلمين كلهم ان اللى فى الصورة انا بس عملت ليزك وطبعا ولا هو فاهم اى حاجة وكله بالاشارة وبعدين جاب واحد زميله قعد يقلب فى الباسبور وبعدين ختمه ومشانى؛وانا ولا فاهم هو وقفنى ليه ولا مشانى ليه. وهنا لابد من شكر للحكومة لانى عشان مصرى ومتدرب انى اقف طابور فى اى حته بدون تذمر ولانى مدرب وعلى اعلى مستوى على التعامل مع الطوابير ايا كانت اشكالها او انوعها فقدرت اخلص نفسى علا طول.

وانا خارج من المطارقلت فى عقل بالى انا عرفت ليه فى مصر بيقولوا "عقل تركى" وكده بداية مسك وشكل البلد ده مش حيعمر معايا.

المهم ركبنا الاتوبيس وذهبنا الى الفندق اللى مش بعيد عن المطار يعنى حوالى 10 دقايق وعملنا "التشيك ان" اى استلام الغرف بالعربى ؛ اه نسيت اقولكم ان الفندق كان بوليت رينيسانس وكان 23 دور وان غرفتى كانت فى الدور ال19 اول ما دخلت الغرفة جالى ازبهلال وانحوال فى العين من الفيواى المنظرالرائع المذهل اللى حعيش فيه.الشباك بيطل على البيسن من جانب والبسفور ومن الجانب الاخر يطل على الممشى وجانب من المدينة.أسوأ حاجة ان شبابيك الفندق مش بتتفتح؛الظاهر انهم خايفين حد ينتحر ولا حاجة.عايز انقل لكم الوصف التفصيلى للمنظر: "حينما تنظر من نافذة الغرفة تقابلك رقرقات نهر البسفور وأضواء المراكب السابحة البعيدة كنجوم تشع نوراً على النهر وبالاسفل يقابلك تكسر الامواج الصناعية بحوض السباحة والكراسى المتناثرة حوله تناجيك أيا رومانسى وفى الزاوية ممشى يظلله دفء قلوب العشاقين على جانبيه حتى انك تشعر بالحرارة سرت فى أوصالك".

اكتشفنا بعد كده اننا تقريبا محتاجين 45 دقيقة عشان نوصل وسط البلد يعنى احنا فى منفى عشان نركز فى الكورس اللى حناخده فقررنا نعمل جولة حول الفندق واول حاجة لفتت نظرى فى تركيا او اول اوجة التشابه مع مصر ان الشوارع الرئيسية نظيفة والشوارع الجانبية مش نظيفة اما أول وجه اختلاف فهو اهتمام الاتراك بالحدائق فى كل مكان. ومعظم الناس لا يتحدثون سوى التركية ولا انجليزية ولا عربية.واختتمنا اليوم الاول بصدمة عظيمة وهى ان سندوتش الشورما فى الاماكن الراقية زى اللى فى محيط الفندق ب 5 ليرة يعنى حوالى 18 جنية و75 قرش (الليرة تساوى حوالى 3.75 قرش) !!! ورغم ان من مبادىء السفر الاولية انك متفكرش تحسبها بالمصرى لانك كده مش حتشترى حاجة خالص لكن الرقم خضنا فى الاول بس بعد كده بقى عادى جداً وسلم لى على الجنية المصرى.

ملحوظة:
لما الظابط وقفنى فى المطاررنت فى ودانى اغنية " انا مش عارفنى ..انا مش انا".

Saturday, August 22, 2009

ع السريع (7)

ع السريع (7)
1. تعرف ايه هو الواوا؟؟طب عمرك بوست الواوا؟طب تحب تبوس الواوا؟؟ ممكن تبوس الواوا على نايل كوميدى ورمضان كريم. ده نص البرومو اللى بيتعرض على نايل كوميدى مع سرسعة غنائية لمجموعة ترتدى زياً فرعونياً.وبما انى مش عارف ابوس الواوا ومبستش الواوا قبل كده ولا ناوى ابوس الواوا عشان احنا فى رمضان؛ نفسى اعرف ايه هو الواوا؟؟؟ده احنا بعد مركزنا مع هيفا لما غنتها معرفناش وهل لو عرفنا الواوا حنقول لعدونا عليه ولا سنعمل بالمقولة الشهيرة"متقلش لعدوك عليه"؟؟. أولا ده اسمه استظراف واستخفاف بتاريخنا عشان نضحك الناس وبعدين بالذمة ده اعلان يتعرض فى رمضان؟!!!

2. برنامج اسمه"مارينا رايح جاى" هو برنامج لزج جدا من نوعية البرامج المستفزة .المهم السيد المذيع استضاف مجموعة من الشباب والبنات وسألهم نفسكم فى ايه واحد قاله نفسى اوصل لفورمة مارينا "صدر ....وبطن شيكولاته" وواحد قاله عايز مزتين دلوقتى رغم ان جنبه مزة جامدة يعنى وواحد كان زكى شوية وطلب يخت فى عرض البحر ومليان مزز عشان محدش يقاسمه فيهم؛ اما البنات فكانت عايزة موبايل جديد وواحدة كانت عايزة تصاحب واحد روش فى الصيف.وفى سؤال جهنمى اخر للفنانة رائدة اعلانات ميلودى "بوبى" اللى كان محسسنى وهوه بيتكلم معاها انه بيتكلم مع سعاد حسنى على اعتبار ان بوبى فنانة شاملة غنا ورقص وان شاء الله داخله فيلم وحتعبى شريط بس هيا قالت انها مش مستعجلة عشان عايزة تعمل كليب كويس واتحفتنا بخبر ينتظره الملايين ان فيه سلسلة اعلانات جديدة ومطرقعة عملتها لميلودى وانها بتحب افكارهم قوى. وفى سؤال تانى للمذيع العبقرى "أنت شايفة ان مارينا لمت؟" ردت عليه بنت زى القمر لابسة بيكينى بس الحق يقال عليه كاش مايوه وقالت"ياىى مارينا لمت خالص السنة ده تصور فيه محشى على البيتش" – الحمد لله طلعت بتعرف المحشى - واخر سؤال بقى لبنتين فى عربية "انتم بتعملوا ايه تانى غير انكم بتكروزوم طول الليل بالعربية ؟"ممكن حد يقولى معلش بقى صيف ومارينا والشباب بيريح ؛ حضراتكم لا ده الشباب ده عنده جوع للجنس الاخر كلهم عايزين مزز وانا شايف ان ده تفرقة عنصرية ما بين البنات يعنى الوحشين يعملوا ايه يعنى...سامع حد من بعيد بيقولى بلاستيك سيرجرى!!!أيه التفاهة ده ..ايه عدم الاهتمام باى شىء جدى ده...ايه السفاهة فى ان شباب يطلعوا فى برنامج زى ده..!!!!

3. فى نفس الوقت الصين بتطلق قناة تليفزيونية موجهة للمنطقة العربية وناطقة بالعربية وتبث القناة الجديدة برامج اخبارية وثقافية وترفيهية على مدار الساعة بهدف تحسن صورة الصين عند سكان الدول العربية وشمال افريقيا وتصحيح المفاهيم المغلوطة.عايز اقولكم ان لما مصر كانا بتلاعب الجزاير وانا فى السويد طلع بوزى عشان الاقى اى حد عنده الفضائية المصرية ملقتش .الحمد لله كده كفاية عليا قوى تليفزيون لان اكتر من كده انا ممكن يجرى لى حاجة من الريادة الاعلامية اللى احنا فيها.

4. احدث احصائية لوزاة الاتصالات ان عدد المشتركين المصريين فى شبكات المحمول الثلاثة وصل 50 مليون من اصل 80 مليون مصرى واللى اصلا بدأ ب 7 الاف مشترك فى 1998 .لما شفت الاحصائية ده فى نشرة الاخبار سألت نفسى سؤال وما هى نسبة الاطفال وطلبة المدارس المشتركين؟؟ونسبة الناس اللى مقضينها اغانى؟؟؟ ونسبة الستات اللى بتستخدم الموبايل عشان تطلب ديلفرى؟؟؟ ونسبة الرجالة اللى بيستخدموا الموبايل عشان يتقابلوا على القهوة؟؟؟ أدينى فى الهايف وانا احبك يا ايه....لا مش يا ناننس دلوقتى يا محمول.

Sunday, August 16, 2009

ع السريع (6)

ع السريع (6)
1. موضوع الصيادين المصريين وموضوع اعدام المصريين فى ليبيا ادى الى اهتزاز صورة وزارة الخارجية ورغم تضارب الانباء فى الحالتين وعدم وضوح الرؤية بالنسبة لدور وزارة الخارجية...ورغم ميلى لوجود دور لجهاز حساس مصرى فى الافراج عن الصيادين ؛ فاعتقد ان الوزارة فى حاجة لاعادة تسويق نفسها للشعب لاعادة اكتساب ثقة الشعب المصرى.
2. لسه لغاية دلوقتى مش مصدق خبر سرقة 11 مليون دولار من فندق تسكنه أميرة...انا مش بشكك فى الخبر بس سؤالى هوه ده مصروفها لكام يوم؟؟؟.
3. حد حابب يتدفن فوق مارلين مونرو؟؟؟والله بجد مش بهزر.موقع اى باى عارض المقبرة للبيع وهى مدفون فيها واحد ومراته عايز تبيع المدفن عشان تسدد ديونها....انا افهم ان الواحد يحب يعيش مع مارلين وهيا عايشه لكن وهيا ميته ومتحللة على الاخر!!! ناس ليها حظ وناس ليها ترتر بجد يعنى.
4. موقع جديد اسمة "ديزجى" ممكن تحط فيه كل شبكاتك الاجتماعية على الانترنت وتعمل اكسيس منه..العلم بيتقد يا ولاد http://www.digsby.com
5. ممكن حد يفهمنى ايه كمية المسلسلات بتاعة رمضان ده كلها؟؟!! مين حيتابع ايه وبعدين يقولك أزمة اقتصادية!!!.
6. علا فكرة مصر والارجنتين بينهم حاجة واحدة مشتركة اليومين دول انهم بيبحثوا البث الفضائى لدورى كرة القدم فى البلدين.بس فى الارجنتين السيدة الرئيسه حلت الموضوع فى اجتماع واحد؛ انا مش بقول ان الرئيس يتدخل لان الحقيقة الموضوع مش مستاهل ده كله بس اللى عايز اقوله ان هناك بيغلبوا مصلحة البلد والاندية بجد مش بالشعارات.
7. طالب أمريكى بالابتدائى حاورالرئيس أوباما وطلب منه تحسين وجبات المدارس وإضافة المانجو للوجبة بس الحقيقة هوه نسى يقوله عويسى ولا اسمعلاوى.انتم متخيلين الطفل ده لما يكبر حيكون توجهاته ايه بعد لما قابل الرئيس وهوا طفل بمعنى انه اكيد حيكون انتمائه اكبر لبلده وعطاؤه اعلى ورغبته فى التطوير أكيده.
8. الشحاتين فى بريطانيا بيكسوا 200 استرلينى فى اليوم ومنهم من يمارس الشحاته بهدف الهواية وقبضوا على واحدة هناك موظفة محترمة بس بتشحت بعد الظهر عشان تقضى وقت فراغها وعايزه تغير المطبخ بتاع بيتهم.
9. اشرح العبارة التالية: قرارالوزيربشأن الاستخدام العادل للانترنت قرار استرشادى. يعنى ايه عادل؟؟
10. مازلنا فى انتظار نتائج التحقيقات فى اغتيال د / مروة الشربينى والتى ستظهر اوائل سبتمبر القادم.

Friday, August 14, 2009

على الهواء مباشرة من اسطنبول – تركيا (1)


على الهواء مباشرة من اسطنبول – تركيا (1)
كان المفروض انى احدث الحالة بتاعتى بتاعى على الفيس بوك وتويتر والام اس ان وانا فى تركيا ولكن لظروف القر والعين الكبيرة التى اتضربتها وانا مسافر – بعيد عنكم – تعبت هناك وكان فيه شغل كتير جدا فمكنش فيه وقت ندخل اون لاين.لكن وبما انى بحب اشاركم كل حاجة جمعتهم مرة واحدة:
1. شكل الرحلة كده باين من اوله...ظابط الجوازات التركى مكشر ووقفنى يسألنى عن اسمى ليه مش مكتوب بالتى ومكتوب بالدى وليه مش لابس النظارة .
2. محبوس فى سجن من ذهب بفندق بوليت رنيسانس بتركيا.
3. مبسوط جدا قابلت شلتى القديمة فى تركيا.
4. مفتقد هيثم خلاف جدا.
5. شاورما فراخ....شاورما لحمة....كباب وكفت...كبه....شيش طاووق....قهوة تركى مظبوطة وشاى تركى...احمدك يارب.
6. ساونا...جاكوزى...بيسين......وحمام تركى.
7. بكرة حتكلم قدام 200 من اصحاب الاعمال بالوطن العربى عن " الشركات الصغيرة والازمة الاقتصادية....اختبارالتحديات والفرص".ادعولى.
8. الحمد لله خلصت الكلمة على خير.
9. اسمىِAhmet Paca Issmet زى ما قالت لى Ozge التى تدرس الهندسة وتعمل بالفندق.
10. الدنيا بتشتى هنا يا جدعان...انا مش مصدق نفسى!!!!
11. توب كابيه...ايا صوفيا...المسجد الازرق...رحلة بالمركب بمضيق البوسفور...برج البنات...البورصة...البازار الكبير... السوق المصرى...برج جالطا...الجانب الاسيوى...رقص الدراويش...
12. طول ما احنا ماشيين بنصلى على النبى هنا عشان طول ما احنا ماشيين بنشوف حاجات حلوة حلوة حلوة.
13. صليت الجمعة بالتركى والشيخ قالى انه يجوز!!!!
14. اخر سندوتش شاورما واخر كوباية شاى...تركيا نعدك بزيارة اخرى العام القادم ان شاء الله.
1. It seems it will be a tough visit as the visa man stopped me in the airport asking me for 3 times why I write Ahmed with (D) & not (T).
2. Locked in a golden cage "Polat Renaissance Hotel".
3. Very happ to meet CSO3 gangs again.
4. Missing Haytham Khalaf.
5. Chicken Shawerma….Meat Shaerma…Kabba…Kebab & kofta….Shick Tawook…Turkish coffee…Turkish Tea…THANKS GOD.
6. Sauna…Jakozy…Turkish Hamam(this is how they call it here).
7. Tomorrow I'm gonna give a speech about "SME in the financial crisis…challenges & opportunities".
8. I'm done with the speech.
9. My name is "Ahmet Paca Issmet" as "Ozge" – a girl working in the hotel & studying engineering told me.
10. It's raining here….I can't imagine that!!!!!
11. TopKapi, SultanAhmet, HagiaSophia, phosphoric trip, Asian part, Princess islands, Grand Bazaar, Egyptian (spice Bazaar),Galta Tower & Whirling Dervishes>>>I still have a lot to see>>>places to go.
12. Prayed "El Gomaa" in Turkish & the Emam said that this is ok.
13. Can't be translated.
14. Last Shawerma Sandwich & last cup of tea. Turkey I promise a second visit.

Tuesday, August 11, 2009

تأبين ميدالية فضة

تأبين ميدالية فضة
هى ليست فقط ميدالية فضية بها مفاتيحى الخاصة احملها معى دائما فى مشاويرى واسفارى وترحالى....
بل هى ميدالية فضية تحملنى معها....بها اسرارى فهى الوحيدة التى تصحبنى فى اماكنى السرية...هى الوحيدة التى تعلم مكنونات نفسى....هى من الاشياء التى لطالما ذكرتنى بان لى فعلا اصدقاء حقيقيون يحبوننى بكل اخطائى وسقطاتى وهفواتى.

تاريخها يعود لعام 2000 وبالتحديد فبراير 2000 حينما كنت بالسنة الثانية بالكلية حيث اجمع ثلاثة من اصدقائى على شراء ميدالية فضية واقترح نادر"المسيحى" – الكلمة هنا ليست للتمييز لكن للتبيان - ان تكون آيه الكرسى. ومنذ هذه اللحظة وهى معى؛ دائماً ما ابرزها لمن يحدثنى عن الفتنة النائمة والنار اللى هى تحت الرماد. قد تظنونى ساذجاً ولكن فعلاً هى ردى الاول قبل ان انتقل للتحليل والمنطق وتفنيد الاحداث فى هذا السياق.

ونادر- لمن لا يعرفه - هو من اصدقائى المقربين وبالصدفة المحضة اكتشفنا ان والدينا كان زملاء دفعة واحدة اواخرالستينات. نتقاسم مجموعة من الصفات والاشياء وطريقة التفكير غير ان نقطة خلافنا الوحيدة اننى اكره المحاسبة وهو يعشقها وهو عكسى يكره الادارة وانا اعشقها.

نعود لميداليتى الفضية وذكرياتى الكثيرة معها على مدار تسع سنوات وستة اشهر أى مائة واربعة عشر شهراً أو ما يعادل ثلاثمائة واربعة وسبعة وسبعون يوماً تقريباً ؛طافت معى هذه الميدالية تقريبا عشرون محافظة من محافظات الجمهورية وحوالى تسع دول عربية واوروبية كما ارتابت حينما وجهت الى اول دعوة لشخصى للسفر للخارج. شهدت لحظة استقبالى لخبر نجاحى وتخرجى فى كلية التجارة وشهدت استقبالى خبر وفاة جدتى – رحمها الله – وكانت شاهداً على استقالتى من سيتى بنك ومن بعده كريدى اجريكول.وقفت على رأسى حين اخترت شيئاً ما جانبنى فيه الصواب ولم تلمنى بل ساندتنى فى محنتى. ضحكت معى كثيراً عندما اتلقى مكالمة على هاتفى المحمول من اشخاص لم يستقبلونى فى بداياتى الاولى بل وبعض من لفظونى والآن يطلبونى.عاصرت معى ثلاثة اعياد ميلادى ل "أجندة الاسكندرية" وكانت الوحيدة التى تشعر بقلقى الداخلى وابتسامتى الظاهرية مفكراً فى القادم.

ذات مرة شاهدتها احدى صديقاتى وقالت لى لم هى رمادية اللون وليست سيلفر؛الا تنظفها؟؟؟ وكنت اجهل تماما كيفية تنظيف الفضة...وقالت لى انها سهلة جدا كربوناته ونصف ليمونة وبالفضل عادت الميدالية تلمع وعادت لها فضيتها فى لونها ؛ وقتها شعرت كم قصرت فى حقها.

ميداليتى....
الا سامحتنى على سهوى....نعم فقدتك ولكنى ابداً لن افقد ذكرياتنا معاً.

Saturday, August 1, 2009

ع السريع(5)


ع السريع(5)
1. عبفضيل سعره وصل 7.5 مليون جنية...عبفضيل رايح الزمالك...عبفضيل رايح الاهلى...الاسماعيلى "لابد من بيع عبفضيل عشان نجيب الحضرى"...اختفاء عبفضيل...عبفضيل وقع للاهلى رغم تأكيده رغبته اللعب للزمالك...سؤال ,, مين ..ليه ..فين؟؟!!!
2. الجامعات الخاصة او العزب الخاصة تنزل بمجموع الالتحاق بها وتخسف بيه الارض؛ واعتقد ان ده مش عشان سواد عيون الطلبة ولا عشان التعليم المتميز ولا عشان البلد ده عشان يجيبوا فلوس ويلموا غله يغطوا بيها "سنة الفراغ".يا ايها الناس اتقوا الله فى التعليم فى البلد ده. يعنى انا عارف ان العلم فى الراس مش فى الكراس وان امتحاناتنا لا تقيس الطلبة قياسا فعليا وممكن يبقى فيه طالب حاله مغص ليلة الامتحان فمجبش مجموع لكن مش كل دول يعنى مظلومين وبعدين كمان كام سنة قبل ما اروح لدكتور اسئلة انت خريج جامعة ايه ولا المهندس اقوله انت كنت جايب كام فى الثانوية وكله كوم ولا الاعلام اللى بقى ب 50 % هيا المشرحة ناقصة قتلا ولا حول ولا قوة الا بالله.
3. ساقتنى الاقدار اروح مركز صيانة محترم بسيارة والدى وشاهدت الموقف التالى: واحد ماسك الميكانيكى ومبهدله عشان حاجة فى الماتور رغم انى كنت واقف وشايف ان الميكانيكى كان عامل كونسولتوا مع اتنين تانين على العربية ده...وفى وسط الكلام الميكانيكى قال للراجل يا سيد انت بتكلم مهندس وفجأة لقيت الراجل بيقول له طب الله ينور...طب ليه م الاول ولا هوه عشان لابس عفريته يبقى نكرة يعنى وياما ميكانيكية بيفهموا احسن من المهندسين.فى المانيا مفيش مهندس بياخد شهادته غير لما يشتغل عامل سنتين عشان لما يبقى مهندس يحس بالعمال اللى هوا كان واحد منهم فى يوم من الايام.ارحموا من فى الارض يرحمكم من فى السماء.
4. لعل الحشد الغفيرالذى حضر – والذى لم يتمكن من الدخول ايضاً- ندوة العالم المصرى أحمد زويل بمكتبة الاسكندرية لهو ابلغ دليل على ان الشباب المصرى يبحث فعلا عن قدوة له وعن شخصية محترمة ينصت اليها.
5. نجحت دار الاوبرا المصرية من خلال حفلاتها المجانية وتواجدها بقلعة قايتباى والشلالات مجاناً بالاسكندرية فى كسر عدم اقبال المواطن العادى على دخول الاوبرا التى يشترط لها زيا رسميا عبارة عن بدلة كاملة مع ربطة العنق وهو تفكير ذكى لحس الجمهور على الاستماع لفن جيد فى نوعه ويقدم رسالة راقية....تحية لكل العاملين باوبرا الاسكندرية على هذا الصيف الناجح.
6. رسالة موجهة لناس عارفة نفسها: يا جماعة فى كتب بتنزل السوق بدون اى هدف او رسالة وبتنجح بسبب الشوشرة والقيل والقال ورفع القضايا واعتراض الناس عليها لعدم مناسبتها للذوق العام. وجهة نظرى ان حرية التعبير مكفولة للجميع لكن لو محدش اتكلم عن نوعية الكتب ده حتموت لوحدها لانها لا تقدم فى ذاتها قيمة ادبية او فنية وانما هيا مجرد حبر على ورق.
7. تحتفل "أجندة الاسكندرية" اليوم بمرور ثلاثة اعوام على صدورها (أغسطس 2006 ) ولا اجد ما اقوله سوى" سبحان الله وبحمده سبحان الله العظيم".

Tuesday, July 28, 2009

التاريخ وكيف نعيده للشباب

التاريخ وكيف نعيده للشباب

اكتشفت امبارح ان ثورة يوليو 52 كانت سنة 1919.
وان سعد زغلول عمل الثورة سنة 1918.
وان عرابى مكنش قائد وانه حفيد محمد على .

كانت ده الاجابات اللى حصلت عليها امبارح فى حوارى مع مجموعة من خريجى المدرسة الالمانى ومدرسة أى جى ومدرسة حكومية عادية. الغريب انهم كلهم اتقفوا على حاجة واحدة هو حضور حفلة ميتل وهيد بانجينج وكده يعنى.

وعلا طول افتكرت فيلم الناظر لما قاله مين اللى عمل ثورة 1919 قاله معرفش قاله اسمك ايه قاله سعد زغلول قاله مفيش فايدة .

الحقيقة انى صعقت واتنرفزت واتنفخت وحسيت بالدنيا بتلف بيا خاصة وان واحدة منهم المفترض انها من القيادات الشابة اللى بتسافر تمثل مصر برة. انا مسكت نفسى وسألتهم عن التاريخ اللى بيدرسوه وقال لى بتاع الاى جى انهم بياخدوا تاريخ الحرب العالمية التانية والاولى وتاريخ امريكا والعالم وتاريخ مصر مادة منفصلة اختيارية والبنت بتاعة المدرسة الالمانية مركزة على اللغات اما بقى بتاع الحكومة فده رد عليا رد كنت ناوى اطلع زمارة رقبته فى ايدى قال ايه " انا علمى مش ادبى ".

عارف اننا اتكلمنا قبل كده عن موضوع التاريخ وان الشباب بيتعامل معاه على انه شىء مش اساسى على اعتبار انه حيدخل علمى علوم او رياضة رغم ان المفروض ان الشباب وهما صغيرين يتعلموا التاريخ عشان لازم يتعلموا التاريخ بتاع البلد لان ده واحد من اسلحة الشباب.

التاريخ لازم يبقى اجبارى على كل السنين لغاية الثانوية العامة مع الدين ويبقوا فى المجموع عشان دول من حوائط الصد ضد الغزوات والحروب التى تستخدم فيها القوة الناعمة بديلا للقوة العسكرية.انا هنا مش قصدى اننا حنحارب ولكن قصدى اننا لازم نبقى جاهزين.

عندى شوية اقتراحات عشان نرجع التاريخ والدين تانى للناس وممكن تعتبروا اللى حقوله ده شىء لازم يجتمع عليه المجتمع كله ومنظمات المجتمع المدنى والشركات كمان:
1. انتشرت فى الفترة الاخيرة المراكز المحترمة اللى بتدرس لغة عربية للاجانب المقيمين فى مصر فلماذا لا يتم وضع برامج خاصة بتدريس او تعليم التاريخ للشباب كمدارس صيفية خلال اشهر الاجازات.
2. لابد من تجديد الافلام الوطنية والتى تروى الخبرات التى مر بها الوطن – ولا اقصد بذلك الافلام التسجيلية - وانتاج افلام جديدة بما يتناسب مع متطلبات العصر على ان تروى التاريخ المصرى للشباب من خلال حبكة درامية وقصة محترفة.
3. انتاج اغنيات وطنية بجد تعيدنا لعصر الاغنيات المحترمة مش زى شهامة ومجدعة ولا زى اغانى الاخوة اللى هربوا من الجيش واتسجنوا.مش عارف ليه محدش سأل ليه نفسه احنا ليه بتقشعر ابدانا لما بنسمع اغانى الجيش وبسم الله الله اكبر وسمينا وعدينا ووطنى حبيبى.معتقدش ان عندنا مشكلة انتاج او مشكلة مطربين محترمين وياريت تتجمع الاغاتى ده كلها فى كتاب صغير او حتى على منتدى من منتديات الانترنت.
4. بالنسبة للدين لازم ترجع الكتاتيب تانى ولازم مدارس الاحاد تقوم بدورها وقصدى بالكتاتيب الكتاب القديم بتاع زمان مش الجديد بتاع دلوقتى اللى يكون فيه شيخ ازهرى معمم شديد يعلم الشباب بجد. ممكن حد يتفزلك ويقولى انت عايز ترجعنا لورا وتدعم الفتنة الطائفية ارد عليه واقول له مهو زمان ومش زمان قوى يعنى كان ده موجود وده موجود ومكنش فيه مشاكل وكل واحد على دينه الله يعينه.
5. بالنسبة لمنظمات المجتمع المدنى ومراكز الشباب ممكن تتعمل مسابقات ابحاث ومسابقات ادبية وشعر وما الى ذلك بموضوعات تدعم الحفاظ على الهوية والتاريخ لان مش معنى اننا فى عصر العولمة ان هويتنا تتمسح او تتمسخ.
6. لابد ان يقوم المنزل بدوره فى تعميق روح الوطنية والانتماء داخل افراد الاسرة ولو سمحتوا محدش يكلمنى عن مادة التربية الوطنية بتاعة المدارس اللى مفتكرش انى فيه حد بيقرا الكتاب بتاعها.
7. اعتقد ان تاريخ البلد يماثل فى الاهتمام حقوق الانسان اللى اتعمل لها مقرر وكتب على طلبة الجامعة فى كل الكليات وامتحانات.

اللى عايز اضيفه ان فيه ناس بتتكلم عن سلبيات الثورة وايجابياتها وعلى الجانب الاخر فيه ناس متعرفش ايه هيا مبادىء الثورة اصلاً وحركة عرابى والانفتاح وتحليل الموقف الحالى وتخفيض مكونات الكويز وان اسكندر الاكبر غازى يبقى ليه نحط له تمثال فى وسط اسكندرية وان ....وان...وان ...عايز اقول ان فيه ناس معندهاش المبادىء الاساسية او عندهاش الحد الادنى من المحتوى المعرفى و متعرفش ايه اللى حصل اصلا وعشان كده بيقلبوا قنوات التليفزيون اللى بتحلل على اعتبار انهم بيتكلموا فى لافراغ الا منتهى يبقى نديهم الاساسيات وبعدين نبقى نحلل....ولا ايه؟؟؟

ولازم نوضح ان الكلام ده مش دعوة للعودة للماضى والعيش على اطلالة لانى شخصيا مش بحب اللى بيفضل يقول احنا احفاد الفراعنة و7000 سنة من غيرعمل وتطوير لكن ده دعوة لمعرفة الماضى معرفة حقه كى نستطيع تجنب اخطائة فى بناء المستقبل.

Saturday, July 25, 2009

ع السريع (4)

ع السريع (4)
1. فى ذكرى ثورة 23 يوليو لقيت شباب فى الثانوية العامة وواحدة فى الجامعة مش عارفين اى حاجة عن الموضوع ولا مين عمل ايه ولا راح فين وكل اللى عارفينه فيلم رد قلبى واحمد وانجى لدرجة انى كلمتهم عشان يجوا يحضروا ندوة فى مكتبة اسكندرية لجمال حماد وهو واحد ممن عاصروا الثورة وأرخوا لها اهلهم قالوا لهم ملكوش دعوة بالسياسة ومتكلموش الواد ده تانى!!!.
2. ظاهرة الاخوات الممثلات اللى اتجهوا للغنا مؤخراً شىء ملفت جدا يعنى هيا ناقصة ده بعد مشروع مطرب لكل مواطن ورغم الزيادة السكانية الرهيبة لسه عندنا مطربين بدون مواطنين وبنفكر نستورد لهم مواطنين من بره او نصدر المطربين دول يصدعوا العالم شوية يعنى اشمعنى احنا؟!!!
3. موضوع منع المحجبات من نزول البيسين والشواطىء الخاصة وواحدة مجرية مسلمة رافعة قضية على فندق فى مطروح عشان منعوها من نزول البيسين بمايوه محجبات اعتبره تدخل فى الحرية الشخصية بعيدا عن الحجاب وعن اى شىء.فاذا كان من حق حد ان ينزل بمايوه قطعة واحدة او بيكينى قطعينين او الموضة بتاعة السنة ده 3 قطع ( كاب وشبشب ونظارة) يبقى من حق الناس انها تنزل وهيا مغطية نفسها.وبعدين انا مش فاهم ده حيضر المنظر العام فى ايه يعنى؟؟؟ بمعنى ادق اذا كان من حقك انك تقلع فمن حق الاخرين انهم يلبسوا ولا هيا الحرية فى القلع بس؟؟؟.
4. لما الاولى على الثانوية العامة تقول فى حفل تكريمها انها مهاجرة امريكا – بمنحة من الجامعة الامريكية فى القاهرة عشان تدرس طب - عشان مصر مفيهاش تعليم وان احتمال كبير مترجعش مصر تانى وان والدها شجعها على الخطوة ده يبقى لازم نفكر شوية "نزيف العقول" فى مصر بيحصل ليه وازاى ولصالح مين.
5. عندى ملحوظة ظريفة ولذيذة وهى ان فيه صحوة عند بعض الشباب فى اتجاه شراء الكتب وقراءتها وانتشار المكتبات التى تقيم احداث ثقافية وفعاليات بالاسكندرية بما يساعد على نشر الاتجاهات الثقافية الايجابية بالمدينة؛ تحية لكلاى كافية رائدة هذا الاتجاه ومكتبة أكمل.
6. عادة لا احب جلد الذات ولكن مؤخرا مجموعة من اصدقائى يعيشون فى الخارج بدأوا الحديث عن اهانة المصرى فى الخارج وكيف ان كلمة مصرى تعد اهانة الان.بعيدا عن وزارة الخارجية وعن اى حاجة انا بقولها وبعملها اللى بسافر وده بيحصل كتير اللى بحس انه ناوى يتريق ولا يقول حاجة مش عجبانى عن مصر ولا المصريين بحط صبعى فى عينه وبعدين مفيش شعب فى العالم سليم ميه ميه يعنى ولا بلد مفيهاش اللى مكفيها ؛ لكن ده لازم يحصل بشكل هادى ومؤدب وأكيد الدنيا حتتطور بينا .

Tuesday, July 14, 2009

نشربها سادة عشان خاطركم


نشربها سادة عشان خاطركم
مش عارف ابتدى ازاى ..."قهوة سادة" عرض مسرحى رائع على كافة المستويات بدليل الجوائز التى حصدها داخل وخارج مصر و الاحتفاء الاعلامى بالعرض ومخرجه خالد جلال وابطاله تلك المجموعة المتميزه من فنانى المستقبل والذين هم نتاج ورشة الارتجال و التمثيل المسرحي "الدفعة الثانية" من مسرح مركز الابداع الفني بدار الاوبرا المصرية.

بس بالنسبة لى المقياس كان حاجة تانية وهوه المسرحية بتقول ايه وعايزه توصل ايه للناس. هل المسرحية بتشرب قهوة سادة على الحال ولا بتشرب قهوة سادة مع الحال؟؟؟

بالنسبة لى "قهوة سادة" تجربة اضحكتنى حتى البكاء منذ بدايتها وخروج الممثلين على خشبة المسرح حاملين بضع اشياء قديمة: قلة وصورة عبد الناصر وسعد زغلول وراديو قديم وطبلية وام كلثوم وليلى مراد وصندوق قديم وغرسوها فى رمال على المسرح. هذه الاشياء هى فى الاصل تاريخنا الذى نسيناه او تناسيناه اوتم التأثير على بعضنا فنساه ؛هى الاشياء التى صنعت هويتنا وتربينا عليها...ثم بعد ذلك يبدأ البكاء والعويل ومواساة احدهم يجلس على كرسى متحرك ثم ينساب صوت أم كلثوم "عودت عينى على رؤياك" وينتهى المشهد بارتشافهم القهوة السادة – وهو رشفة تنهى كل مشهد فيما بعد – ونسمع فى الخلفية صوت عماد بعرور "أيظن..انى حلعب بيه" فى اول مقارنة واضحة وصارخة لما آل اليه وضع الغناء الان ويظلم المسرح.

تضىء خشبة المسرح في المشهد التالى وتجد الاشياء القديمة ازلت مغروسة فى الرمال فى اشارة الى انها ستبقى وتبقى وتبقى وتجد مجموعة من الممثلين بعضهم جالس فى اخر المسرح وبعضهم واقف كشهود على ما يحدث فى المشهد نفسه والمشاهد التالية.عرضت المسرحية مجموعة كبيرة جدا من مشاكل المجتمع ونقائصة وتناقضاته العالية بتكثيف عال وحرفية فمثلاً مشهد صلة الرحم وكيف قفدناها حتى ان الاهل لم يعرفوا ان ابنهم مات الا بعد اسبوع لما ريحته طلعت ولا مشاهد الجواز والشروط التعجيزية والطلبات المغالى فيها ومشاهد فقدان الهوية وضياع اللغة العريبة والشللية التى تضيع فرص الموهوبين الحقيقيين وسيطرة الاموال الخليجية على الفن والغناء ومشهد البنت اللى فضلت مستنية عريسها بفستان الفرح اللى هوا راح رمى نفسه فى البحر فى هجرة غير شرعية ومات وهيا كمان عجزت والفستان عليها ومتجوزتش ومشهد نسيان المواطن لاسمه وعنوانه وقفط تذكره لسعر كيلو اللحمه ابو ستين جنية وسعر كيلو السكر وازازة الزيت.

ورغم استمتاعى الشديد بالمسرحية الا ان فيه 3 مشاهد اثروا فيا جداً مشهد الشعر ومشهد الفتاوى ومشهد الوصية.

مشهد الشعر عبارة عن لقاء تليفزيونى مع شاعر "كسكسى على حمصى" من بتوع عرفتك يا حبيبى من ريحة رجليك وكيفية الاحتفاء الجماهيرى به رغم انه اصلا جاهل وحمار.

مشهد الفتاوى بيوضح الى اى مدى وصل الحال بالافتاء فى بلد الازهر الشريف حائط صد المسلمين فى العالم كله وظهور فتاوى الفضائيات التيك اوى كفتوى ارضاع الكبير والمدير اللى الفتوى ده حتله على الطبطاب وعايز يرضع الصبح بدرى قبل باقى الموظفين والزحمة "عشان اللبن ميقعدش بره كتير" وطابور الموظفين اللى فيه موظف البنك الاستثمارى اللى ساب بنكه الصبح وجه يرضع عشان المسئولة عن الرضاعة فى البنك شباكها عليه زحمة ورفيعة وتقريبا كده لبنها " معيزى" وهو عايز لبن " بقرى" وينتهى المشهد بكلمة تقولها احدى مرضعات- اسف موظفات- المصلحة للمذيعة "مهو لو انت دلوقتى فى ماسيبرو وشايفة شغلك مكنش بقى عندنا طابورهنا".

أما مشهد الوصية اللى جمع فيه الاب ابناؤه قبل ما يموت فيهلك من الضحك والبكاء ايضاً فمن ابنه لاتعرف كتابة اللغة الربية رغم انها فى بكالوريوس متعللة بانها لسه بتتعلم مروراً بجهل الاخر عن من هو الملك فاروق ولا تعرف عنه سوى انه تيم الحسن بتاع الام بى سى والفضيحة انهم مش عارفين ان مصر هزمت اسرائيل فى 1973 غلى اعتبار ان مصر ملعبتش مع اسرائيل قبل كده واخر ماتش لعبته مع الكاميرون فى الكاميرون.

المشاهد الثلاث السابقة لها مدلول قوى فهم يمثلون "الثقافة والدين والتاريخ" اى اركان اى هوية لاى شعب فى اى بلد فمتى فسدت هذه الاركان فسد المجتمع واضمحل واندثر وانطمست معالم هويته واصبح فى مهب الرياح.

انتهت المسرحية ضحكنا كثيراً وبكينا اكثر ولكن يبقى السؤال ما سنفعل لنوقف هذه المهزلة التى اشتركنا فيها جميعاً بما فيهم كاتب هذه السطور؟؟؟ماذا سنفعل كى نوقظ الهمم وونشعل الحماس ونجعل الناس ترجع تانية لمصرتها وكرامتها و....هويتها.

بقى ان نذكر ابطال هذا العمل بالاسم تكريماً لهم:
هشام اسماعيل -محمد فراج - محمد على -عمرو عبدالعزيز -احمد سعد- مريم السكرى - شيماء عبدالقادر- محمد عبدالسلام -ايات مجدى - سماح سليم -حسام داغر -محمد ممدوح -نشوى المهدى -محمد فهيم -رشا جابر -دعاء صادق - محمد ثروت - عمرو رجب -محمد فاروق - جهاد عربى -امير صلاح الدين -رضوى سعيد -محمد خالد -سمر نجيلى - نورا عصمت - محمد مصطفى -جيهان انور- حمزه العيلى - هشام حسين - محمد العزازى - عمرو بدير -اسماعيل جمال - نورا عبد الفتاح - مصطفى سامى - شادى عبد السلام - رباب ناجى

Saturday, July 4, 2009


In this month,one year ago,Prof. Dr. Abdel Wahab El-Messeri passed away.I meet this great man once in my life but his words still ringing in my mind like a bell.

Tuesday, June 30, 2009

"الشباب المصرى.. الخصائص والاهتمامات".

صدرالتقريرالشهرى لمركز المعلومات ودعم اتخاذ القرار بمجلس الوزراء تحت عنوان "الشباب المصرى.. الخصائص والاهتمامات ".يستعرض التقرير آراء واتجاهات الشباب تجاه قضايا حياتهم اليومية ومنها آراؤهم حول مشكلة البطالة وتفضيلاتهم للعمل.

ولعل اهم مخرجات التقرير التالى :
1. يبلغ عدد الشباب فى مصر فى الفئة العمرية 15- 29 سنة وفقا لنتائج التعداد العام للسكان والإسكان والمنشآت لعام 2006 حوالى 22.7 مليون نسمة (31.3% بما يشكل حوالى ثلث المجتمع)، أى أنه من بين حوالى كل 3 أفراد فى المجتمع يود شاب فى هذه الفئة العمرية. وتزيد أعداد الشباب من الذكور عن الإناث فى مصر حيث يوجد 103 شباب لكل 100 فتاة.
2. بلغت نسبة الأمية بين الشباب فى الفئة العمرية 15ـ 29 سنة 18% عام 2006، وقدر عدد الشباب الأميين بحوالى 4.1 مليون شاب.
3. بلغ معدل البطالة بين الشباب فى قوة العمل فى الفئة العمرية 15ـ 29 سنه حوالى 21.1% عام 2008.
4. 2.1% من الشباب فى الفئة العمرية 15ـ 29 سنة لديهم إعاقة، كما أن 2.6% من الشباب فى نفس الفئة العمرية يعانون بعض الأمراض المزمنة.
5. تصل نسبة المعرفة بمرض الإيدز بين الشباب إلى 26.8% فى عام 2008 أى حوالى ربع الشباب، وترتفع المعرفة بين الإناث مقارنة بالذكور.
6. 81.1% من السيدات فى فئة العمر 15ـ 29 سنة السابق لهن الزواج يواجهن مشكلة واحدة على الأقل، تحول دون حصولهن على الخدمة الصحية اللازمة عند تعرضهن لمشكلة صحية، أهمها توافر الأدوية ومقدمى الخدمة.
7. بلغت نسبة الإنجاب المبكر (للسيدات فى فئة العمر 15ـ 19 سنة اللاتى بدأن الإنجاب) 9.6% فى عام 2008.
8. الانتهاء من إنشاء 150 ألف وحدة سكنية وتسليمها للمستحقين خلال الفترة (سبتمبر 2005 ـ أكتوبر 2008)، وذلك ضمن مشروع "إنشاء نصف مليون وحدة سكنية جديدة للشباب".
9. أكثر من مليون مشروع من المشروعات الصغيرة ومتناهية الصغر قام بتمويلها الصندوق الاجتماعى للتنمية منذ إنشائه عام 1992 وحتى عام 2008 بإجمالى 9.2 مليار جنيه، وقد ساهمت هذه المشروعات فى توفير حوالى 2 مليون فرصة عمل.
10. 3450 مركزاً للشباب فى مصر يضم حوالى 4.1 مليون عضو عام 2008، مقابل حوالى 4269 مركزاً يضم 2.23 مليون عضو عام 2000.
11. 837 نادياً رياضياً فى مصر عام 2007، يتركز 34.5% منها فى المحافظات الحضرية، تليها محافظات الوجه القبلى مستأثرة بحوالى 29.8% من إجمالى الأندية الرياضية فى الجمهورية.
12. زاد نصيب الطالب فى الجامعات الحكومية (شاملة جامعة الأزهر) من إجمالى الإنفاق الحكومى على التعليم الجامعى خلال الفترة (2000/2001 ـ 2007/2008)، ليصل إلى حوالى 5.6 ألف جنيه عام 2007/2008 مقابل حوالى 3.3 ألف جنيه عام 2000/2001.
13. 59% من الشباب لديهم درجة مرتفعة من الشعور بالانتماء.

Monday, June 29, 2009

ع السريع (3)


ع السريع (3)

1. من ساعة ما رجعت اسكندرية من السويد وانا لاحظت ان فيه 4 شركات جداد فتحوا فى اسكندرية 2 كافية وشركة سمسرة فى البورصة ومحل ملابس جديد وده بيؤكد النظرية الاقتصادية اللى بتقول ان وقت الركود هوه احسن وقت نفتح فيه بزنس جديد؛ ولا اخفى عليكم سعادتى بافتتاح فندق جديد فى اسكندرية وقرب افتتاح اخر...ايوه كده عايز نحرك الدنيا...كده فيه فرص عمل جديدة...وفيه شغل حيحصل.

2. الاخوات والاخوة المدافعين عن حقوق المرأة وسوء استغلال المرأة والعاملين فى مجال وقف التحرش الجنسى برجاء الاطلاع على اعلان الحلاوة الجديد والبيبسى كمان وسلم لى على حقوق المرأة احسن ده بقت اخر حلاوة يا ....حلاوة.
http://www.youtube.com/watch?v=1sHpmvUdlXU
http://www.youtube.com/watch?v=nGgIDrrwnr4

3. خبر فى الجرائد عن انشاء معهد لتعليم الرقص الشرقى تابع لوزارة التربية و التعليم والناس زعلانة وتقول يعنى احنا بقى عندنا تعليم كويس فى كل حاجة ولا معاهد التمريض اولى بالفلوس اللى حتتصرف واغرب تعليق سمعته مش كفاية عندهم فرقة رضا والفنون الشعبية. والمؤيدين بيقولوا انا ده فن مصرى ولازمن ولابد نحافظ عليه فى وجه الهجمات الروسية الشرسة حيث اصبحن الروسيات هن المسيطرات على ميادين الرقص فى مصر ولابد من استعادة الريادة المصرية فى هز الوسط . انا بقى عندى وجهة نظر اخرى لان التدخل الحكومى قد يؤثرعلى اتجاهات الرقص وهزالوسط كما انه سيطول وبشكل ملحوظ بدل الرقص نفسها وباقى المعدات والمستلزمات والبلطجية – عشان لو حد شطح هكا ولا هكا - وبتاع النقوط ومن موقعى هذا امام اللاب توب الاتش بى بتاعى انادى بضرورة تدخل القطاع الخاص لما له من خبرة واسعة فى اللعب على الشناكل والنهوض " بصناعة " الرقص..... وهزى يا نواعم.

4. فيه مغنية اوبرالية ايطالية " الينا ايرام "Elena Riem– سوبرانو – مش اى حاجة يعنى عاملة اغنية جامدة جدا فى التليفزيون بتغنى فيها اغانى عربى اسمها" بتطل وبتلوح" على مزيكا. انا الحقيقة شايف انها فكرة رائعة فيها مزج ما بين فنون الاوبرا والاغانى التى يفهمها الناس ببساطة مما يقرب هذا النوع من الغناء من السواد الاعظم من الناس. للمزيد عن المطربة:
http://www.myspace.com/riemelena
http://www.metacafe.com/watch/3002687/eline_riem_betol_we_betloh/
http://www.facebook.com/profile.php?id=697065096&ref=name#/group.php?gid=32320609835

5. تعريف قوى جدا "للمقال" لاستاذنا جلال عامر فى المصرى اليوم: المقال كاتب ومكتوب وبينهما ما يقرأ.

6. أستطاعت صورة ندى الايرانية ايقاظ ضمائر كثيرين مثلما فعل اغتيال الشيخ ياسين ( وقادة اخرون) ومحمد الدرة (واطفال اخرون) وشهداء مصر فى 48/67 / 73 (وما بينهما). كما انها اخبرت العالم ان هناك ما هو ابعد من القنبلة الايرانية والسجاد الايرانى والقطط الفارسى ...هناك أناس تموت.

7. مايكل جاكسون مات؛ فرح فاوست ماتت؛ انغام وهشام عباس نزلوا شرايطهم الجديدة؛ شريط عمرو دياب اتسرب؛ البرازيل غلبت امريكا على اخر وقت وبالتالى فان خريطة موسيقى البوب حتتغير وخريطة التمثيل حتتغير وخريطة الكورة بتتغير والخريطة الغنائية فى مصر حتتغير وانا ...مرارتتى حتتفقع.

8. 5 اشقاء من قنا قرروا انهم ميروحوش المدرسة غير لما ابوهم يغيراسم العيلة لان فيه مشكلة بسيطة ان جدهم اسمه "العبيط" وبالتالى العيال فى المدرسة عاملين عليهم حفلة وسموه كده عشان امه كان عليها ندر لو ربنا رزقها بولد تسميه "العبيط"...بالذمة ده كلام يعنى...ده اسامى يا ناس حرام عليكم العيال مش ناقصة حاجات تكرها فى المدارس. تخيلوا كده معايا حد من العيال ده بقى ليه منصب ولا حاجة يقولوا ايه "عبيط بيه " راح "عبيط بيه جه".

Saturday, June 27, 2009

السويد (2) نماذج أخرى هناك.


السويد (2)
نماذج أخرى هناك.
اذا كنتم فاكرين انى لما حكلمكم عن السويد حنتكلم مع بعض عن الدب القطبى والجليد المتساقط والديسكوهات والبنات الحلوة تبقوا غلطانين لان ده النظرة السطحية لاى بلد تزورها وبالذات السويد .النهاردة حنتكلم مع بعض عن نماذج العرب اللى انا قابلتهم هناك.

السويد مش اول بلد اوروبى اسافره ومشاكل العرب هناك متشابهة لدرجة كبيرة مع باقى الدول الاوروبية غير ان السويد بتتميز بنقطة " تساوى الجميع فى الحقوق والواجبات وامام القانون " سواء كنت سويدى / هندى / مصرى / باكستانى / فلبينى / عراقى / فلسطينى....الخ. النظام الاجتماعى الحروحالة العدالة السائدة لثقة الناس فى القانون وازدهار حقوق الانسان – السويد تانى اكبر دولة فى العالم تطبق قوانين حقوق الانسان بحذافيرها – تجعل من السويد مقصدا كبيرا للكثيرين ممن يرغبون فى الهجرة او السفر للتعلم او العمل.

أول نموذج لمصرى قابلته فى السويد كان "عم محمد" – استوكهولم – 47 سنة مهاجر برة مصر من 27 سنة قضى 10 اعوام منهم فى هولندا والباقى فى السويد .عم محمد يحمل الجنسية السويدى الان ؛تزوج من هولندية وانفصلوا بهدوء وله منها بنتان والان متزوج من سويدية مسلمة وله منها ولد واحد.تعرفت على عم محمد فى المركب التى تصل ما بين الجزر فى السويد كوسيلة مواصلات ويعمل عليها كمراقب ثلاثة ايام فى الاسبوع وباقى الايام يعمل فى محل تملكه زوجته؛ مش عارف بس كده كان فيه كيميا بينى وبين الراجل عرفنا اننا مصريين من غير ما نتكلم وقالى انت مصرى قلت له ايوه ومن اسكندرية كمان رد وقالى انا من الغربية ودار بيننا الحوار حول كيف سافر ولماذا سافر وخلاصة الكلام انه سافرعشان كان عايز يسافر والدنيا اخدته ومجاش مصرغيرمرتين لما والده اتوفى ولما والدته اتوفت وكل ما احاول اعرف منه ناوى يرجع مصر امتى يقولى ده انا اخواتى كل ما نتكلم يقولوا معندكش شغلانه لعيالنا. وفى معرض حديثنا كان كل شوية يسألنى عن تفاصيل فى مصر كان تقريبا نساها وقال انه نفسه اولاده ينزلوا مصر يشوفوا عيلته ويعرفوا البلد. "عم محمد" منساش قبل ما انزل من المركب يقولى على محلات الاكل الحلال وقالى على اسماء اصحابها وقالى قلهم انا من طرف محمد المصرى.

النموذج الثانى كان فى مالمو- اقصى جنوب السويد على بعد 55 دقيقة بالطائرة من استوكهولم و30 دقيقة بالقطارمن كوبنهاجن عاصمة الدانمرك) وكان ايرانى سويدى – اعتذر عن ذكر اسمه - اتولد فى السويد ومتابع بشكل مكثف لكل ما يحدث فى - بلده – ايران التى لم يزرها فى حياته حيث تركها والده ابان الحرب مع العراق ولكن حيويته ونشاطه وافكاره وطموحاته لفتت نظرى له وبقوة وحينما تحدثنا وجدنا كثيرا من نقاط الاتفاق فيما بيننا. أضاف لى الحديث معه جوانب أخرى عن ايران وكيف كانت العلاقات المصرية الايرانية منذ صلة النسب بين اخت الملك فاروق والشاه وكيف تدهورت الى ان وصلت لما هى عليه الان.

النماذج الثالثة والرابعة والخامسة والسادسة برضة كانوا فى مالمو وهم طلبة ثانوى رقية (عراقية) و نهر(فلسطينية) و(بيتر) مصرى و(مش فاكر) اردنى. اتعرفنا على بعض بشكل غريب جدا – لانهم كانوا السبب فى انى اصحى من النوم وتقريبا انا منتمتش كتير فى الفترة اللى قضيتها هناك – بس اللى عايز اقوله انه ورغم اننا قضينا وقت لطيف وظريف وخفيف الا انهم ميعرفوش اى حاجة عن بلادهم الاصلية والاربعة بيعتبروا السويد بلدهم رغم ان الفلسطينى والمصرى اتولدوا فى بيت لحم والاسماعيلية ومفيش حد من الاربعة ناوى يستقر فى اى بلد من بلدانهم " الام " لكن ممكن يروحوا يزوروها على فترات والسبب انهم ميعرفوش اذا كان ممكن يعرفوا يعيشوا هناك وحيشتغلوا ايه وحياتهم حيبقى نظامها ايه والكل اجمع انهم خايفين على حريتهم الشخصية!!!

نماذج اخرى قابلتهم فى ستوكهولم لما رجعت مصرى اسمه (هانى من القاهرة بيشتغل هناك فى مطعم من سنتين وبيدرس هناك وناوى يرجع لما يخلص وبينزل مصر كل سنة واتعرفت عليه فى نفس المطعم اللى بيشتغل فيه وكنت الساعة 9:50 وهو بيقفل الساعة 10:00 بس عملى اكل وبطاطس كتير وقالى نصيحة متمشيش من غير اثبات شخصيتك ومتنساش كارت المواصلات ومتكلمش سكران يوم الجمعة والسبت وقبل ما اخد الاكل وامشى لقيت واحد تانى مصرى برضة بس فى السويد من7 سنين وكان رايح يدرس بس فشل فى الدراسة وسايب شغله من شهرين وبيركب المواصلات من غير كارت وضايع يعنى ولما سألته طب ماترجع مصرفرد وقالى ارجع اقول لهم انى فشلت.الحقيقة استغريت جدا من رده الغير مقنع واستفزنى بس مكتش فيه حاجة ممكن اقولهاله غير ربنا معاك.

قابلت نماذج كتير تانية ايجابية جدا وناس مثقفة وفاهمة بس الخلاصة ان فيه مشاكل فى التواصل ما بين الدول العربية وابنائها فى الخارج وفيه برضة مشاكل فى ثقافة الشباب داخل بلدانهم الام وفيه نقص واضح وشديد فى التواصل الاعلامى ويكفى ان اقول ان القناة العربية الوحيدة الموجودة على التليفزيون السويدى هيا الجزيرة انترناشيونال ومشفتش قناة مصر الدولية هناك وطلعت عنينا عشان نشوف ماتش مصر والجزاير عشان مكنا لاقين حد عنده رسيفر عربى؛ كل ده له تأثير سلبى جدا على صورة مصر فى الخارج ويكفى ان اقول انه اثناء تقديمى لبرنامج عن عادات الزواج فى العالم العربى وصل لنا رسالة على البرنامج من سويدى بيسأل وبتدفعوا مهر العروسة بالجمال؟؟؟

Wednesday, June 24, 2009

دكان شحاته..حد يقدر يعيش من غير ونس؟؟


دكان شحاته..حد يقدر يعيش من غير ونس؟؟
أحمد عصمت على

يبدأ الفيلم فى عام 2013 فى اشارة واضحة للقادم بطريقة الفلاش باك بمجموعة متلاحقة ومتزاحمة من مانشتات الجرائد مصحوبه بموسيقى زاعقة فى لقطات تمثل انهيارا في الحياة العامة من مختلف الاوجه والجنون الذي اصاب العالم وكذلك حصول مصر على البطولات الافريقية . لقطات لاوباما وبوش وانفلونزا الطيور،والاقتتال فى افريقيا ، وحريق مسرح بني سويف ، والعمليات الارهابية ، وصفرالمونديال ، وتزويرالانتخابات ، وغزو الكويت ثم الحروب المتتاليه على العراق واعدام صدام حسين ، والانتفاضة الفسلطينية ، واعتقالات السادات وصولا الى اغتياله ثم القاء الرئيس اليمين الدستورى لتولى حكم البلاد فى مطلع الثمانينيات.

وعلى خط متوازى مشهد نهب القطار المحمل بالقمح مصوراً حالة الجوع الشديدة التى وصل اليها الناس مما ادى الى انفجار العنف.

البدايات الاولى: حجاج : سميته شحاته عشان شحته من ربنا شحاته
فى نفس اللحظة التى يستشهد فيها الرئيس السادات يولد شحاته (عمرو سعد) ابن حجاج (محمود حميده) وتموت والدته بالصعيد ويعود به والده الى القاهرة لباقى اخوته من زواجه الاول - والذى نعرف فيما بعد ان امهم قد هجرتهم – ومع نزوله فى محطة القطار تعلن حالة حظر التجول لوفاة الرئيس وتشاهد الدبابات فى الشوارع الفارغة وعربات نقل الجنود والمظاهر العسكرية.
يعمل حجاج عند الدكتور مؤنس" عبد العزيز مخيون" والذى خرج لتوه من السجن على اثر الاعتقالات ويقوم بمنح حجاج قطعة ارض فى فيلته الواسعة ليعيش فيها مع اولاده ويفتح دكان يتكسب منه.
ودكتور مؤنس نفسه يمثل ابا محطما هاجر ابنه الى أمريكا ولا يسأل عنه الى نادراً مما جعل والده يلازم المنزل على طول خط الفيلم.

بداية الغيرة: سالم: يا ابا انت بتحبه اكتر مننا
مع افتتاح حجاج للدكان والذى كتب عليه "دكان شحاته" تولدت الغيرة بين الاخوة وخاصة بين شحاته الذى ورث الطبع والقيم الصعيدية والطيبه والشهامه عن والده وسالم " محمد كريم" الانتهازى المستغل وعلى طريقة قابيل وهابيل يصل الصراع بينهم ل بيسا " هيفا وهبى" والتى يخطبها والدهم لشحاته مما يعمق من الخلاف بين الاخوة.

بداية الصراع وانتشار الفساد:رجل الاعمال: عايز 20 عربية وكام سواق بس مقطعين بطايئهم؛؛؛حاضر ياباشا
كرم غباوة " عمرو عبد الجليل" البطلجى المسيطر على موقف المشاريع والتوك توك صعيدى- بس مش علا حق- حشاش ولقب بغباوة لانه لا يفهم اى شىء سوى اخذ الاتاوات من سائقى المشاريع وكلامه كله معكوس ويثير الضحك وخاصة حينما اشتراه رجل الاعمال فى الانتخابات وخرج على سيارة يقول انتخبوا (الديموق....)وربط الناس بنص ورقة الخمسين جنيه لما بعد التصويت امام صورة رئيس الحزب الحاكم.

بداية النهاية:حجاج: عايز كيلو سمين مشكل
بوفاة الوالد حجاج بعد اكله سمين معتبره يظهر الوجه القبيح لاخوة شحاته ويتركونه فى الصعيد للتخلص منه بعد معركة محترمة انتصر فيها شحاته وحالت الاخت "غادة عبد الرازق" دون قتلهم بعضهم البعض ويجلس شحاته فوق تربة والده يشتكى له سوء معالمة اخوته له رغم حبه لهم.ويموت الدكتورمؤنس ويعود ابنه من امريكا راغبا فى بيع الفيلا لسفارة اجنبية تظهر كينونتها من لون جدارها خطين سماوى (أزرق) واللون الابيض فى المنتصف. ويتفق الاخوه على تلفيق تهمة لشحاته – تزوير ختم والده - كى يدخل السجن وتتم البيعة فى إشارة الى بداية هيمنة قوى معينة على تلك الفترة هى قوى المال والسلطة والجبروت.

السجن: شحاته: حد يقدر يعيش من غير ونس
دخول شحاته السجن وعدم سؤال اخوته عنه كان كفيلا بتحويله الى اميرالانتقام وهو ما لم يحدث بل ظل سائراً على درب والده الصعيدى الجدع المحب لاخوته. زيارة واحدة قامت بها بيسه لشحاته فى السجن واخرى مستتره من وراء نقاب بعد ان اجبروها على الزواج من سالم مرورا بمحاولتين لحرق نفسها والقفز من الدور السابع. خرج شحاته من السجن وفى رأسه هدف واحد وهو البحث عن اهله واخوته لان " محدش يقدر يعيش من غير ونس". فى اثناء بحثه يعثر على غباوة اولا الذى يدعى انه لا يعرف مكان اخوته وتتصاعد الاحداث حتى يعرف ان بيسه تزوجت من اخاه سالم غصباً.

الفرح وطلقات الرصاص: شحاته: دلوقتى انتى مش بتاعتى لكن اخواتى من صلبى
يتوصل شحاته الى مكان اخوته وبالمصادفة هو نفس يوم زواج ابن اخيه.يذهب فرحا لملاقاه اخوته – رغم ان سالم تزوج بيسه – ويحتضن شحاته اخاه الاكبر مبرزا له شريط كان يحب والدهم الاستماع اليه وبطاقته الشخصية ولكن سالم يعالجه بثلاثة طلقات ترديه قتيلا بين يدى اخته وبيسه.

الفوضى: البرص: شحاته ده عمل معانا احلى واجب ولازم نكرمه
بمقتل شحاته يهجم البرص " رامى غيط" -البلطجى صبى كرم سابقاً والمسيطرعلى موقف المشاريع الان- والذى يدين لشحاته الذى انقذه من قبل ليهجم وفرقته على الفرح وفى لقطات متلاحقة تصور الاسلاميين بالجلباب الابيض والذقون يعيثون فى ارض مصر ويضربون الناس وتشيع الفوضى والبلطجة فى ارجاء المحروسة.

التعليق:
الفيلم بطولة جماعية وليس له بطل واحد واعتقد ان تركيز الدعاية على انه فيلم – مناظر – لوجود هيفا وهبى هو بعيد كل البعد عن الحقيقة.كما ان هناك مشاهد محشوره كمشاهد بيع المياه ومعركة الفرن وكان يمكن تصويرها بشكل اخر افضل فى سياق الفيلم. تطرق الفيلم ايضا الى فكرة التدين الظاهرى المنتشرة حالياً وبشكل كبير.

ردود افعال "كرم" فى مشهد خطبة اخته "بيسا" ل"شحاته" غير منطقية فكيف بالصعيدى ان يأمر اخته بالرقص لخطيبها؟؟

مشهد شرخ الجدار الكبير وطلب "حجاج" من" شحاته" ابنه ان يحاول تغطيتها بصورة الزعيم الراحل عبد الناصر عميق جداً.

وعن انتشار ظاهرة العنف فى المجتمع المصرى فهى واقعية ولابد ان نقر ونعترف بها ولعلها فى الاصل مشكلة جهل وانحطاط فى مستوى القيم التى من المفترض ان ترتقى بسلوكيات الافراد.ويمكن القول ان هذا الانحطاط قائم على انتشار لغة المصلحة ومنطق القوة و – معاك قرش تسوى قرش - .

وأخيراً "شحاته" الصعيدى بطيبته وقيمه التى ورثها عن والده هو شخصية محيرة ومثيرة للجدل يمكن حتى للمشاهد ان يفقد تعاطفه معه فلا هو بالبطل- رغم دفاعه عن " البرص" - ولا هو بصاحب موقف فيما يدور حوله ولا ينتمى لفكر معين رغم انه ليس بالجاهل وبالغبى ولا بالضعيف جسدياً . ومن وجهة نظرى فإن تصوير "شحاته" على انه الشعب المصرى هو تصوير خاطىء جداً فابداً لم يكن الشعب المصرى بهذا الشكل ولا هذه الاستكانة فالشعب ليس بالضعيف ولا هو ذلك المحايد مطأطىء الرأس على طول الخط فهو بطبعه شعب – دمه حر- وعلى مر التاريخ استطاع المصريون التعامل مع مختلف انواع الحكام ولطالما انتصرت ارادة الشعب؛ واشك ان يصل الحال فى مصر الى ثورة جياع وقطع الطريق من اجل اجولة القمح او ان تصل مصر لحالة من الانفلات الامنى فالشعب اصبح من الذكاء بمكان ليحدد مصلحة ومستقبل هذا الوطن.

Monday, June 22, 2009

تحيا الجمهورية الكروية المستقلة



لست من هواة البكاء على اللبن المسكوب ولازم برضة اعترف انى بحب دايما ابص للنص المليان من الكوباية عشان اقدر اتحرك واطلع قدام واثناء تحركى هذا انظر الى باقى الكوب حتى اتعلم من اخطائى.
ومن وقت ان لعب المنتخب المصرى من نظيره الجزائرى وانا فضيحتى بقت بجلاجل فى السويد والحقيقة ان اخواتى الجزائريين هناك زفونى ويا عينى على كلام اصدقائى الجزائريين على الفيس بوك قالوا كلام كتير و أخرون وقفوا معايا.الحقيقة انا مكنتش مستغرب اننا لما نتكلم فى الكورة الموضوع بيتحول لهجوم شخصى زى ما اكون انا او اخرون هم من يلعبوا وليس المنتخب او بالادق لاعبى المنتخب ولنا هنا وقفة اولى ان اسس الحوار فى كثير من الاحيان تختلط وتتبعثر اسباب الحوار فى سبيل شىء واحد وهو ان احد الاطراف لابد وان يكون على خطأ حتى يشعر الاخر بالانتصار.
وبعد كده المنتخب دخل كأس القارات ولعب ماتش عالى جدا مع البرازيل وشكل اللعيبة فى الملعب كان يفرح وكانت احسن التوقعات قبل المبارة ان البرازيل تغلب مصر على الاقل بنص دستة اجوان ولكن استطاع المنتخب المصرى مجارة نظيرة الرازيلى والسيطرة على المبارة فى اوقات كثيرة ولولا ضربة الجزاء فى الدقائق الاخيرة من المباراة كانت المبارة انتهت بالتعادل خاصة وان الفريق المصرى استطاع التعادل بعد ان كان مهزوماً.
خرجت مانشتات الجرايد تانى يوم تشيد بالاداء الرجولى والتكتيك الرائع من المعلم حسن شحاته والناس كانت فرحانه ومبسوطه والاعلام المصرية اترفعت – وحتفضل علا طول مرفوعة بغض النظر- ومكنش فى سيرة لاى حد غير اللى مصر عملته فى البرازيل وموقع الفيفا يكتب وبعد كده سادت حالة من الترقب لمباراة ايطاليا.
المنتخب الازورى او الايطالى بطل كأس العالم فى نسخته الاخيرة يلعب مع المنتخب المصرى بس المرة ده التوقعات كانت احسن شوية ان مصر ممكن تتعادل وكانت المفأجاة ان المنتخب المصرى هزم ابطال العالم بهدف دون رد.
وهنا بقى كانت الفرحة العارمة والاشادة بالاداء القتالى والتفانى والاخلاص والمجد الذى ينتظر هذا الفريق والعروض الاوروبية للاعبى المنتخب واعتذار الحضرى فى النص كده عشان يرجع للاهلى وحسن حمدى يرفض والمعلق يتكلم عن العلاقة المباشرة لمى عز الدين على ارتفاع مستوى زيدان وكونها وش السعد عليه واغانى حمص حمص حمص والحضرى السد الافريقى ومعلق صوته راح اثناء التعليق ومدرب المنتخب العراقى يتحدث عن الاتفاع الروح المعنوية لفريقه والفريق المصرى بقيادة احمد حسن بيغنى فى الاوتوبيس وولا وعملوها الرجاله وابو تريكه ده زعيم كبير واحتفال المعلم شحاته بعيد ميلاده ال62 وسرقة المنتخب فى الفندق.
جت مباراة المنتخب الامريكى اللى مغلبش حد غير منتخب مصر وشال كتير من السامبا والازورى ؛ غيابات بالجملة ؛ اصابات ؛ ورغم كده استطاع المنتخب السيطرة على نصف الملعب معظم المباراة.واتغلب المنتخب المصرى من المنتخب الامريكى وبنتيجة تقيله رغم انه كان ممكن يتعادل.
وبس
الدنيا اتقلبت ومع ظهور مانشيت صنداى اللى بيقول ان 5 من لاعبى المنتخب كانوا سهرانين مع بنات فى الفندق وانهم سكروا وسرقوهم ودلوقتى فى اخبار ان المنتخب بيوقف التدريب عشان عمرو اديب لازم يعتذر رسمى – الحقيقة انا مستغرب من طريقته الغريبة امبارح – اصل ده مش ممكن يحصل وابو تريكة موجود معاهم ده كان ضربهم بالنارهناك.
ما علينا من كل ده...احنا نخرج بايه...اتعلمنا ايه...شفنا ايه...
1. فيه ناس ملهاش فى الكورة وبتفتى وربنا يخلى الفضائيات.
2. الناس مش بتتأكد من الاخبار وبتجرى ورا السبق الصحفى وبس سواء صح او غلط.
3. الانهزامية او ثقافة الانهزام مستوطنة داخل الكثيرين وده بسبب عدم الثقة فى النفس وتعليق كل شىء على شماعة الفساد والانحلال ......الى اخر القائمة الجاهزة.
4. لما بنفرح بنفرح قوى ولما بنزعل بنزعل قوى ومش بنقرا كويس ما بين السطور.

كلمة اخيره ياريت ننظر لكأس القارات على انه كان تدريب عملى لعبنا مع البرازيل وايطاليا وامريكا ومفيش احسن من كده استعداد وكمان كل ده ببلاش – اقل فريق من دول بياخد 20 الف يورو عشان بيلعب ودى – عرفنا اننا ممكن نلعب من غير البلدوزر وميدو وعرفنا ان عندنا حمص وعيد عبد الملك وعرفنا ان ابو جريشة مبينفعش للمنتخب دلوقتى وعرفنا ان الحضرى كويس واتأكدنا من زيدان ومستوى ابو تريكة رجع تانى. والاهم عرفنا اننا نقدر نعمل كتير ونحقق كتير.
جميل ان المنتخب يكسب ويكسب بس الاجمل اننا نعرف ازاى نحول طاقة الشباب الغاضبة لشىء مفيد بجد و... تحيا الجمهورية الكروية المستقلة.

Saturday, June 20, 2009

Sweden part (1) I need some rest from….

For the last three weeks I've been to Sweden in a course & the following features parts of my life their. Starting from today I'll start sketching pieces of those 3 weeks mentioning my own opinions & reflecting on some of what I learnt there.

This is my first input in that aspect; not – to- list or things that I need to have some rest away from them:
1. Eating that huge amount of orange, green apples, red apples, pineapples & bananas to the extend that I feel like a monkey for the next month.
2. No more gas water, blue berry water, orange juice, apple juice or earl grey tea, only ordinary water & flavored Lipton tea.
3. I don't want to listen or say the following words: freedom of expression, human rights, fuck, shit, sexual orientation and asking is this meal halal for the coming two month.
4. I don't want to visit any museum, castles or any historical places for the next month, I had enough.
5. I don't want to see any blonde, nice, beautiful, lovely and helpful girls/ladies for the next month.
6. No more parties for the next month, I had enough.
7. No more concentrated morning coffee for the coming month.
8. No more chocolate of any type (Dark, medium or white) or of any kind toffifie, after eight, M&M's, Mars ,Twix, Lindh, Cadbury, Galaxy, ferrero roche or that one that I don't it's name that Diala brought in the airport.
9. No more Falfel or Kebab or grilled chicken for the coming 2 month.
10. No more breakfast @ 9 am, no launch between 1 – 2 pm and no dinner @ 6 pm. I will eat anytime I want.
11. I don't want anyone to ask me about what happened in Malmo coz what happened their will stay their.

The thing I'm reconsidering now is the reflection sessions…hehehehehe.

Friday, June 5, 2009


Press the link to listeb to today's episode of "Din Gata":
http://www.sr.se/sida/sandningsarkiv.aspx?programid=2576

Tuesday, June 2, 2009

Swedish Dogs

Swedish Dogs
One of my remarks here in Sewden the huge number of dogs that citizens raise in their homes.Different sizes,types &.....names.






KISS-ing Approach


KISS-ing approach
That is why I love Marketing

Since I wrote "Ahmed is using the kissing approach" in my profile, many people are asking me about it.

Simply it is " Keep It Simple & Short "or "Kill It smoothly & Softly" So the interpretation depends on your mood.

And that is why do I love Marketing, you got the bases then you can reshape every rule, principle & all related aspects to the current situation.

See how marketing is a living thing, you can say that we are all practicing marketing in a way or another in our daily life. Even when we were kids we used to cry when we start a negotiation with parents, negotiation Is a basic element of marketing.

I see everything around me from a Marketing point of view, even the smallest details in life.

Another reason why I wrote this note is my dear friend Rania, couple of days ago we were talking in a life matter that is related to her, and then she suddenly turned to me saying: "Ahmed you are talented". I was shocked as we were talking in a far subject from my talent, but I cannot deny that I felt happy. Then she started telling my many things that I used to do in life & it appeared that I became a Marektingholic.Thanks a lot dear Rania.